تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: اے ٹی ایم روم میں گیس سلنڈر رکھ کر فرار ہونے والا گرفتار

ریاض: سعودی عرب کے دارالحکومت ریاض میں اے ٹی ایم روم میں گیس سلنڈر رکھنے والے شہری کو گرفتار کر لیا گیا۔

تفصیلات کے مطابق ریاض میں پولیس ٹیم نے بینک کے اے ٹی ایم روم میں گیس سلنڈر رکھنے والے سعودی کوگرفتار کر لیا، ملزم کی گرفتاری ویڈیو فوٹیج کی مدد سے کی گئی۔

ریاض پولیس کے بیان کے مطابق ایک شہری نے بینک کے اے ٹی ایم روم میں داخل ہو کر گیس سلنڈر اندر رکھا، اور پھر اس کا وال کھول کر فرار ہو گیا۔

اس سلسلے میں پولیس کی جانب سے ویڈیو بیان جاری کیا گیا، جس میں کہا گیا کہ پولیس کو ایک ایسے شخص کے بارے میں اطلاع ملی تھی جس نے ایک بینک کے اے ٹی ایم روم میں گیس سلنڈر رکھا اور فرار ہوگیا۔

رپورٹ کے مطابق پولیس ٹیم نے جائے وقوعہ پر بروقت پہنچ کر فوری طور پر گیس سلنڈر کے وال کو بند کر کے اسے وہاں سے ہٹا دیا۔

پولیس کا کہنا تھا کہ ویڈیو فوٹیج میں ملزم گیس سلنڈر لاتے ہوئے واضح طور پر دیکھا گیا، جس کے ذریعے ملزم کی شناخت کی گئی جو سعودی شہری ہے اور جس کی عمر 50 برس کے قریب ہے۔

ملزم کے خلاف مقدمہ درج کر کے اسے متعلقہ ادارے کے سپرد کر دیا گیا ہے جہاں اس کے بارے میں مزید تحقیقات کی جا رہی ہیں تاکہ اس کا سابقہ ریکارڈ دیکھا جا سکے۔

Comments

- Advertisement -