تازہ ترین

سعودی عرب : فی تولہ سونے کی قیمت پھر بڑھ گئی

ریاض : سعودی گولڈ مارکیٹوں میں جمعرات کو صبح سویرے کے لین دین کے دوران سونے کے نرخوں میں اضافہ ہوگیا، عالمی منڈی میں سونے کے بڑھتے ہوئے نرخوں کا اثر سعودی عرب کی مارکیٹوں پر بھی پڑا۔

سعودی ذرائع ابلاغ کے مطابق چوبیس قیراط ایک گرام سونے کی اوسط قیمت231.97 ریال ہوگئی جبکہ بدھ کو اس کی قیمت 231.21ریال تھی۔

اکیس قیراط ایک گرام سونا بدھ کو 202.31 ریال میں فروخت ہوا تھا جبکہ جمعرات کو اس کی قیمت بڑھ کر202.97 تک پہنچ گئی۔

سعودی مارکیٹ میں18 قیراط ایک گرام سونا173.98 ریال میں فروخت ہورہا ہے، بدھ کو اس کی قیمت173.41 ریال تھی۔ علاوہ ازیں چودہ قیراط کا ایک گرام سونا135.31 ریال میں فروخت ہوا۔

سعودی مارکیٹ میں ایک اونس سونے کی قیمت7215 ریال ریکارڈ کی گئی جبکہ21 قیراط والے 8 گرام سونے کے بسکٹ کی قیمت1623.78 ریال رہی، بدھ کو اس کی قیمت 1618.48 ریال تھی۔

Comments

- Advertisement -