تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

سعودی عرب: پاکستانیوں کیلئے خوشخبری، پاسپورٹ فیس میں کمی، نیا شیڈول جاری

ریاض: سعودی عرب میں پاکستانی سفارت خانے اور قونصلیت نے پاسپورٹ کی فیس میں کمی کردی اور اس حوالے سے نیا شیڈول بھی جاری کردیا ہے۔

تفصیلات کے مطابق پاکستان میں وزارت داخلہ کی جانب سے پاسپورٹ فیس میں کمی کے بعد سعودی عرب میں بھی یہ نیا شیڈول سامنے آیا، 10 سال کی معیاد کے حامل 36 صفحات پر مشتمل پاسپورٹ کی فیس 126 ریال ہوگئی۔ جبکہ 5 برس کے لیے پاسپورٹ کی سابقہ فیس برقرار رکھی گئی ہے۔

دس برس کے لیے پاسپورٹ کی فیس رواں سال کے آغاز میں 152 ریال جبکہ گزشتہ سال 155 تھی۔ درخواست گزار ارجنٹ بنانا چاہے تو اسے 210 ریال ادا کرنے ہوں گے، جس کی فیس 2021 کے ابتدا میں 252 ریال جبکہ گزشتہ برس 257 ریال تھی۔

نئے شیڈول کے مطابق 10 برس کے لیے 72 صفحات پر مشتمل پاسپورٹ(نارمل) کی فیس کم کرکے 231 مقرر کی گئی ہے، جو اس سے قبل 278 ریال اور پچھلے برس 283 ریال تھی۔

ارجنٹ بنانے کے خواہش مند افراد کو378 ریال فیس ادا کرنی ہوگی۔ اسی طرح 100 صفحات کے پاسپورٹ (نارمل) کی فیس کم کرکے 252 ریال جبکہ ارجنٹ کی 502 ریال کی رکھی گئی ہے، اس کی بھی فیس پہلے زیادہ تھی۔

اگر کسی شخص کا دس سال والا پاسپورٹ پہلی مرتبہ گم ہوجائے تو اسے نئی فیس 252 ریال دینی ہوگی، ارجنٹ کی صورت میں متعلقہ ادارہ 420 ریال وصول کرے گا۔

خیال رہے کہ پاسپورٹ سے متعلق اس شیڈول کا اطلاق 22 فروری سے ہوچکا ہے۔

Comments

- Advertisement -
محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں