The news is by your side.

Advertisement

سعودی عرب: حکومت نے شہریوں کو خبردار کر دیا

ریاض: سعودی حکومت نے سیکورٹی اداروں کے نام پر شہریوں کو جعلی ایس ایم ایس اور ایم میلز سے خبردار کر دیا۔

تفصیلات کے مطابق سعودی محکمہ امن عامہ نے سعودی شہریوں اور مقیم غیر ملکیوں کو خبردار کیا ہے کہ سرکاری سیکورٹی اداروں کے نام سے لوگوں کو ایس ایم ایس اور ای میلز بھیج کر انھیں پھنسانے کی وارداتیں ہو رہی ہیں۔

محکمہ امن عامہ نے شہریوں کو خبردار کیا ہے کہ اس طرح کے جعل سازوں اور بہروپیوں سے ہوشیار رہیں، اور اگر کسی کو کسی سیکورٹی ادارے یا عہدے دار کے نام سے کوئی ای میل موصول ہو تو فوراً محتاط ہو جائیں۔

محکمے کی جانب سے کہا گیا ہے کہ جعل ساز ایسی ای میلز میں شہریوں سے قانونی پوچھ گچھ یا کسی فرضی سرگرمی پر سوال جواب کرتے ہیں، اور اس طرح انھیں پھانسا جاتا ہے، لہٰذا ایسی ای میلز کا جواب نہ دیا جائے اور انھیں مکمل طور پر نظر انداز کر دیا جائے۔

محکمے کا کہنا ہے کہ ان دنوں کچھ جرائم پیشہ عناصر مقامی شہریوں اور مقیم غیر ملکیوں کو لوٹنے کے لیے اس طرح کے ہتھکنڈے آزما رہے ہیں۔

اس سلسلے میں قصیم پولیس بدھ کو ایک کامیاب کارروائی میں اس طرح کے 2 رکنی گروہ کو گرفتار بھی کر چکی ہے۔

پولیس کا کہنا تھا کہ گرفتار افراد غیر ملکی تھے جو اپنے ہم وطنوں سے پیسے ہتھیانے کے لیے اس طرح کا ہتھکنڈا استعمال کر رہے تھے۔

Comments

یہ بھی پڑھیں