The news is by your side.

Advertisement

سعودی عرب کی شرح نمو میں توقع سے زیادہ اضافہ

ریاض: سعودی عرب میں شرح نمو توقع سے زیادہ یعنی 9.9 فیصد ہو چکی ہے، حکام کے مطابق شرح نمو میں یہ اضافہ تیل سرگرمیوں کے بڑھ جانے سے ہوا ہے۔

سعودی ویب سائٹ کے مطابق سال رواں کی پہلی سہ ماہی میں سعودی شرح نمو نے طے شدہ ہدف حاصل کرلیا ہے۔

محکمہ شماریات نے اعداد و شمار جاری کرتے ہوئے بتایا کہ شرح نمو توقع سے بھی زیادہ یعنی 9.9 فیصد ہو چکی ہے۔

محکمے نے کہا کہ شرح نمو میں یہ اضافہ تیل سرگرمیوں کے بڑھ جانے سے ہوا ہے۔

تیل منڈی میں خرید و فروخت میں سالانہ اضافہ 20.3 فیصد جبکہ سہ ماہی اضافہ 2.9 فیصد ہے جس کے باعث مجموعی شرح نمو پر مثبت اثرات پڑے ہیں۔

محکمے کے مطابق شرح نمو تیل کے علاوہ دیگر سرگرمیوں میں بھی دیکھنے میں آئے ہیں جہاں سالانہ 3.7 فیصد جبکہ سہ ماہی بنیاد پر 0.9 فیصد اضافہ ہوا ہے۔

Comments

یہ بھی پڑھیں