The news is by your side.

Advertisement

سعودی عرب نے آزمائش کی ہر گھڑی میں پاکستان کا ساتھ دیا، فردوس عاشق اعوان

لاہور: معاون خصوصی برائے اطلاعات فردوس عاشق اعوان نے کہا کہ وزیراعظم عمران خان کا دورہ سعودی عرب دیرینہ برادرانہ تعلقات کو تقویت دے گا۔

تفصیلات کے مطابق سماجی رابطے کی ویب سائٹ ٹویٹر پر معاون خصوصی برائے اطلاعات فردوس عاشق اعوان نے اپنے پیغام میں کہا کہ سعودی عرب نے آزمائش کی ہر گھڑی میں پاکستان کا ساتھ دیا۔

انہوں نے کہا کہ وزیراعظم کا دورہ تعلقات نئی بلندی تک پہنچانے کےعزم کا آئینہ دار ہے، دورہ دونوں ممالک کے اسٹریٹجک پارٹنرشپ کو مزید مضبوط کرے گا، وزیراعظم کا دورہ دیرینہ برادرانہ تعلقات کو تقویت دے گا۔

فردوس عاشق اعوان نے کہا کہ وزیراعظم نے سعودی ولی عہد کو کشمیر کی صورت حال سے آگاہ کیا، مسئلہ کشمیر پر سعودی عرب کی حمایت کا شکریہ ادا کرتے ہیں۔

معاون خصوصی برائے اطلاعات نے کہا کہ شعبہ سیاحت میں سعودی تعاون کی پیشکش کا خیرمقدم کرتے ہیں، پاکستان سیاحت کے لیے حسین اور پُرکشش منزل بن کر ابھر رہا ہے۔

Comments

comments

یہ بھی پڑھیں