The news is by your side.

Advertisement

سعودی عرب، گاڑی کی نمبر پلیٹ چھپانے پر 6 ہزار ریال جرمانہ

ریاض: سعودی عرب میں گاڑی کی نمبر پلیٹ چھپانے یا جزوی طور پر مٹانے پر 3 سے 6 ہزار ریال تک جرمانہ اور گاڑی کو پولیس تحویل میں لے لیا جائے گا۔

عرب میڈیا کے مطابق محکمہ ٹریفک کی جانب سے ملک میں نئے ٹریفک قوانین کے حوالے سے بتایا گیا ہے کہ قانون کی شق 6 کے مطابق ایسی گاڑیاں جن کی نمبر پلیٹوں کو کسی بھی طرح چھپایا گیا ہو یا جزوی طور پر انہیں مٹایا گیا ہو وہ قانون شکنی کے زمرے میں آتا ہے جس پر چالان کی حد 3 سے 6 ہزار ریال ہے۔

جرمانے کے علاوہ گاڑی کو بھی مخصوص مدت تک جو پولیس انسپکٹر کی صوابدید پرمنحصر ہے پولیس یارڈ میں جمع کروادیا جائے گا۔

مزید پڑھیں: سعودی عرب، ٹریفک حادثے میں ایک ہی خاندان کے 7 افراد جاں بحق

ٹریفک پولیس کا کہنا ہے کہ ملک میں ٹریفک قوانین واضح ہیں، گاڑیوں کی نمبر پلیٹ انتہائی اہم ہوتی ہے جسے کسی بھی طور چھپانا جرم ہوگا ایسا کرنے والوں کے خلاف پولیس اہلکار فوری فیصلہ کرنے کا مجاز ہے۔

واضح رہے کہ ہائی وے پر بکثرت سفر کرنے والے ڈرائیور ڈیجیٹل چالان سسٹم سے بچنے کے لیے گاڑی کی نمبر پلیٹ پر ٹیپ لگا کر انہیں چھپا دیتے ہیں جس سے شاہراہوں پر نصب کیمرے ان کی تیز رفتاری پر چالان نہیں کرسکتے۔

سعودی عرب میں تیز رفتاری کے باعث حادثات رونما ہوتے ہیں جس کی وجہ سے محکمہ ٹریفک کی جانب سے قوانین کو ازسر نو مرتب کرتے ہوئے چالان کی رقم میں اضافہ کیا گیا ہے۔

Comments

comments

یہ بھی پڑھیں