ریاض: سعودی ٹریفک پولیس نے مملکت میں گاڑی مالکان کے لیے اہم ہدایت جاری کی ہے۔
عرب میڈیا کے مطابق سعودی عرب کی ٹریفک پولیس کا کہنا ہے کہ کسی دوسرے شخص کو عارضی طور پر گاڑی دینے کے لیے مقررہ این اوسی (اتھارٹی لیٹر، تفویض) فراہم کرنے سے گاڑی مالکان پر چالان نہیں کیا جاتا۔
‘دوسرے شخص کو گاڑی دینے سے قبل این اوسی کا مقصد گاڑی کے مالک کے حقوق کا تحفظ ہے۔’
پولیس نے بتایا کہ این اوسی کا مقصد جو شخص گاڑی چلا رہا ہو تو خلاف ورزی سرزد ہونے کی صورت میں ٹریفک چالان اسی کے نام سے جاری ہوگا بصورت دیگر گاڑی کے مالک کے نام پر چالان ہوسکتا ہے۔
مذکورہ نوعیت کا این او سی ابشر ایپ سے حاصل کیا جاسکتا ہے، جس سے گاڑی کا مالک کسی بھی قسم کے چالان کی صورت میں جرمانہ بھرنے سے آزاد ہوگا۔
خال رہے کہ خود کار ٹریفک چالان سسٹم کی وجہ سے کسی بھی خلاف ورزی پر سسٹم گاڑی کی نمبر پلیٹ کے ذریعے مالک کے شناختی کارڈ یا اقامہ نمبر پرچالان کیا جاتا ہے۔
این اوسی جاری ہونے کی صورت میں محدود وقت کے لیے گاڑی جس کے استعمال میں ہوتی ہے چالان ہونے پر اسی کے نام سے رجسٹر کیا جاتا ہے۔ سعودی عرب میں کرائے پر گاڑیاں دینے والے اس این او سی کا زیادہ استعمال کرتے ہیں۔
