ریاض: سعودی عرب میں آن لائن کسٹمر کیئر کے شعبوں میں غیرملکی اب ملازمت نہیں کرسکیں گے۔
غیرملکی خبررساں ادارے کی رپورٹ کے مطابق آن لائن کسٹمر کیئر کی ملازمت پر غیرملکیوں کے لیے پابندی عائد کردی گئی، مذکورہ شعبوں میں صرف سعودی شہری کام کریں گے۔
رپورٹ کے مطابق سعودی تجارتی ادارں نے مقامی افراد کو بھرتی کرنے کا فیصلہ کیا ہے۔ جبکہ وزیر افرادی قوت و سماجی فروغ انجینیئر احمد بن سلیمان الراجحی مذکورہ فیصلے کی منظوری بھی دے دی۔
وزارت فرادی قوت وسماجی فروغ کا کہنا ہے کہ ایسے شعبے جہاں آن لائن کسٹمر کیئر کی سروس فراہم کی جاتی ہے وہاں مقامی شہریوں کو بھرتی کیا جائے گا۔ مذکورہ شعبوں میں ٹیلیفونک سروس، ای میل، سوشل میڈیا یا پورٹل کے ذریعے فراہم کی جانے والی سہولت شامل ہیں۔
سعودی ایئرلائن نے ملازمتوں کے حوالے سے بڑا فیصلہ کرلیا
اس حوالے سے وزارت نے یہ بھی کہا ہے کہ ان شعبوں میں غیرملکیوں پر پابندی ہوگی، یہ فیصلہ وزارت اتصالات و انفارمیشن ٹیکنالوجی کے تعاون سے کیا جا رہا ہے جو کسمٹر کیئر سے متعلق سروسز فراہم کرتی ہے۔
متعلقہ وزارت کا مزید کہنا تھا کہ اس حکومت عملی سے سعودیوں کے لیے نئی اسامیاں پیدا ہوں گی۔
