ریاض : سعودی عرب میں بڑھتی ہوئی مہنگائی پر قابو پانے کیلئے اہم اقدامات کیے گئے ہیں جس کے تحت اشیائے خورد ونوش کی قیمتوں کا از سر نو جائزہ لیا جارہا ہے۔
تفصیلات کے مطابق ولی عہد و وزیر دفاع شہزادہ محمد بن سلمان کی ہدایت پر وزارت تجارت نے ملک بھر میں تفتیشی دورے کئے ہیں جن کے دوران اشیائے ضروریہ کی دستیابی اور قیمتوں کا جائزہ لیا گیا ہے۔
سعودی پریس ایجنسی کے مطابق وزارت تجارت نے گزشتہ 24 گھنٹوں کے دوران 7400 تفتیشی دورے کئے ہیں۔ وزارت نے کہا ہے کہ مارکیٹ میں اشیائے ضروریہ کی فراہمی اور معیار کی نگرانی کے علاوہ قیمتوں کا جائزہ لیا گیا ہے۔
یہ تفتیشی دورے مکہ مکرمہ اور مدینہ منورہ سمیت ملک کے تمام شہروں میں کئے گئے ہیں، طلب اور رسد میں توازن برقرار رکھنے کے لیے217 ضروری اشیاء پر خصوصی نگاہ ہے۔
ترجمان وزارت تجارت نے کہا ہے کہ مقامی مارکیٹ میں مذکورہ اشیاء کی قیمتوں کا پڑوسی ممالک سے بھی کیا گیا ہے۔
