The news is by your side.

Advertisement

سعودی حکومت کا جدید ٹیکنالوجی کے فروغ کیلیے بڑا فیصلہ

ریاض : سعودی عرب کی وزارت مواصلات و انفارمیشن ٹیکنالوجی کی جانب سے سعودی نوجوانوں کے لیے ایک نیا پروگرام ترتیب دیا گیا ہے۔

سعودی خبررساں ادارے ایس پی اے کے مطابق سرکاری اور نجی اداروں کے پانچ ہزار سعودی ملازمین کے لیے فیوچر سکل کے نام سے تربیتی پروگرام کا آغاز ہوگا جس میں انہیں نئی ٹیکنالوجی سے روشناس کرایا جائے گا۔

اس ٹریننگ میں حصہ لینے والوں کی پیشہ ورانہ ڈیجیٹل ٹریننگ کو اپ گریڈ معلومات دی جائیں گی تا کہ وہ مستقبل میں اعلی ٹیکنالوجی کے ساتھ مملکت کی تعمیر میں حصہ لے سکیں۔

یہ اقدام وزارت مواصلات اینڈ انفارمیشن ٹیکنالوجی “مستقبل کی مہارت” پروگرام کا حصہ ہے جس کا مقصد ڈیجیٹل امور میں اعلیٰ تربیت فراہم کرنا ہے۔

ان تربیتی پروگراموں میں ڈیٹا سائنس ، انفارمیشن سیکیورٹی ، مواصلات اینڈ ٹیکنالوجی منصوبوں کا انتظام ، ویب ڈویلپمنٹ، مصنوعی ذہانت، انفارمیشن ٹیکنالوجی اورانجینئرنگ کے شعبے مستفید ہوں گے۔

Comments

یہ بھی پڑھیں