The news is by your side.

Advertisement

سعودی عرب نے 7 میزائل حملے ناکام بنا دیے

ریاض : سعودی فورسز کا کہنا ہے کہ یمن میں حوثی باغیوں کے زیرِ قبضہ علاقے سے سعودی عرب پر داغے جانے والے 7 میزائل فضا میں تباہ کردیے گئے۔

غیرملکی خبررساں ادارے کے مطابق یمن میں حوثی باغیوں کے زیرِ قبضہ علاقے سے سعودی عرب پر 7 میزائل حملے سعودی فورسز نے ناکام بنا دیے، میزائل کا ملبہ ایک گھرپرگرنے سے ایک شخص جاں بحق جبکہ 2 زخمی ہوگئے۔

سعودی عرب کی زیرقیادت لڑنے والی اتحادی افواج کے ترجمان کرنل ترکی المالکی کا کہنا ہے تین میزائلوں کا رخ سعودی دارالحکومت ریاض، دو میزائل خمس مشائط اور دو نجران پرداغے گئے تاہم انہیں فضا میں ہی تباہ کردیا گیا۔

یمن میں حوثی باغیوں نے ملک کے کئی علاقوں پرقبضہ کیا ہوا ہے اور سعودی عرب اور اس کے اتحادیوں نے مارچ 2015 میں ان کے خلاف جنگی کارروائیوں کا آغاز کیا تھا۔

خیال رہے کہ گزشتہ ماہ 7 فروری کو حوثی باغیوں نے سعودی عرب کے شہر خمیس پر میزائل داغا تھا جسے سعودی ایئر ڈیفنس نے بروقت کارروائی کرتے ہوئے فضا میں ہی ناکارہ بنا دیا تھا۔

ریاض، حوثی باغیوں کا ایئرپورٹ پر میزائل حملہ

یاد رہے کہ گزشتہ سال 5 نومبر2017 کو کنگ خالد ائیرپورٹ پر حوثی باغیوں کی جانب سے بیلسٹک میزائل سے حملہ کیا گیا تھا جسے سعودی ایئر ڈیفنس نے ناکام بنا دیا تھا۔

واضح رہے کہ 17 اگست 2016 کو یمن میں حوثی باغیوں کے زیرِ قبضہ علاقے سے سعودی عرب پرمیزائل حملہ کیا گیا تھا جس میں 7 افراد جاں بحق جبکہ 10سے زائد افراد زخمی ہوئے تھے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں