The news is by your side.

Advertisement

عازمینِ حج اور عمرہ زائرین کیلئے ویزے کا حصول ہوا اب اور بھی آسان

ریاض:سعودی حکومت نے عمرہ زائرین اور عازمین حج کو ڈیجیٹل فنگر پرنٹ کی سہولت اسمارٹ فون پر فراہم کرنے کا فیصلہ کر لیا ،جس سے ویزے کا حصول مزید آسان ہوگا۔

تفصیلات کے مطابق سعودی حکومت نے عمرہ اورحج ویزے کی کارروائی کو مزید آسان بنانے کیلئے اقدام اٹھاتے ہوئے زائرین کو ڈیجیٹل فنگر پرنٹ کی سہولت اسمارٹ فون پر فراہم کرنے کا فیصلہ کرلیا۔

ڈیجیٹل فنگرپرنٹ سسٹم کا افتتاح کردیا گیا ہے، جس کے زریعے عمرہ زائرین ،عازمین حج کو ویزے کے حصول کے مرحلے کومزید آسان بنایا گیا ہے۔

فنگر پرنٹ اورآئی اسکین کا ڈیٹا اسمارٹ فون سے اپ لوڈ کیا جا سکے گا۔

یاد رہے گذشتہ ماہ وزارت حج و عمرہ نے مسجدالحرام میں روزانہ کی بنیاد پر عمرہ زائرین کی تعداد ایک لاکھ تک بڑھا دی تھی جب ‏کہ حرم مکی میں نمازیوں کی تعداد بھی 60ہزار کر دی گئی تھی۔

مسجدالحرام میں حفاظتی تدابیر، ایس اوپیز پر عملدرآمد یقینی بنانےکی ہدایات کی گئی جبکہ پہلے کی طرح ‏سعودی شہری، غیرملکیوں کو توکلنا ایپ کے ذریعے عمرہ اور نمازوں کے وقت لینا ہوں گے۔

وزارت کا کہنا تھا کہ زائرین کے اضافےکیلئے پیشگی تیاریاں مکمل کر لی ہے۔ مطاف میں اضافی ٹریکس اور ‏مصلوں میں گنجائش موجود ہے

Comments

یہ بھی پڑھیں