The news is by your side.

Advertisement

سعودی عرب : سرمایہ کاری کے حوالے سے بڑی کامیابی

ریاض : سعودی وزارت صنعت و معدنیات نے سال رواں2021 کی تیسری سہ ماہی کے اختتام تک745 نئے صنعتی لائسنس جاری کیے ہیں۔

صنعتوں میں لگایا جانے والا سرمایہ75 ارب ریال کے لگ بھگ ہے،577 فیکٹریوں نے پیداوار کا آغاز کردیاہے،47 ہزار سے زیادہ افراد کو ملازمتیں فراہم کی گئیں، ان میں سے40 فیصد سعودی ہیں۔

سعودی ذرائع ابلاغ کے مطابق صنعتی معلومات کے قومی مرکزکی جانب سے جاری رپورٹ میں کہا گیا ہے کہ ستمبر2021 تک مملکت میں فیکٹریوں کی مجموعی تعداد 10192 تک پہنچ گئی، ان پر 1.33 ٹریلین ریال کے لگ بھگ سرمایہ لگا ہوا ہے۔

رپورٹ میں بتایا گیا ہے کہ ستمبر کے مہینے میں وزارت صنعت و معدنیات نے76 نئی فیکٹریوں کے لائسنس جاری کیے، ان پر لگائے جانے والے سرمائے کا حجم ایک ارب ریال کے لگ بھگ ہے جبکہ104 فیکٹریوں نے مذکورہ عرصے کے دوران پیداوار کا آغاز کردیا، ان پر سرمائے کا حجم51 ارب ریال سے زیادہ کا ہے۔

واضح رہے کہ صنعتی شعبے نے ستمبر کے مہینے میں 6.203 ملازمتیں فراہم کیں ان میں سے1،120 ملازمین کا تعلق سعودی عرب سے ہے۔

صنعتی و معدنیاتی معلومات کے قومی مرکز نے اپنی رپورٹ میں یہ بھی بتایا ہے کہ گزشتہ ماہ کے دوران نئے صنعتی لائسنسوں میں سے 88 فیصد کا تعلق چھوٹی فیکٹریوں سے ہے، ان میں سے 69 فیصد نے پیداوار شروع کردی۔

Comments

یہ بھی پڑھیں