The news is by your side.

Advertisement

سعودی عرب : "اقامہ” کے اندراج میں درپیش مسائل کا آسان حل

ریاض : سعودی عرب میں غیرملکیوں کے اقامتی دستاویزات ومعاملات جن میں اقامہ کا اجراء، تجدید، ایگزٹ ری انٹری اور فائنل ایگزٹ وغیرہ شامل ہے، محکمہ امیگریشن اینڈ پاسپورٹ(جوازات) کی زیر نگرانی انجام دیے جاتے ہیں۔

سعودی وزارت داخلہ کے ذیلی ادارے جوازات کے دفاتر مملکت کے تمام ریجنز اور شہروں میں قائم ہیں جبکہ تارکین کے معاملات کی بروقت انجام دہی کے لیے ڈیجیٹل ذرائع کی سہولت بھی موجود ہے۔

ایک شخص نے اقامے کے حوالے سے دریافت کیا کہ اقامے میں تاریخ پیدائش کیسے تبدیل کی جائے؟ پاکستان سے عدالت کے ذریعے تاریخ پیدائش درست کرانے کے بعد پاسپورٹ میں بھی درست کرائی اب اقامہ میں کس طرح کی جائے؟

جوازات کے قانون کے مطابق مملکت میں مقیم غیرملکیوں کے اقامہ کارڈ اوردیگر معاملات کے انجام دہی کے لیے کارکنوں کی کمپنی یا اسپانسر کو جوازات کے دفتر سے رجوع کرنے کی اجازت ہے۔

اگرکسی کارکن کے اپنے اقامے میں معلومات میں درستگی کرانا مقصود ہو تو اس کے لیے کارکن کے اسپانسر کو چاہیے کہ وہ اپنے ابشر یا مقیم پورٹل کے ذریعے اپنے شہر کے قریب ترین جوازات کے مرکزی یا ذیلی دفتر سے ملاقات کا وقت حاصل کرے اس کے بعد وقت مقررہ پر جوازات کے دفتر میں جاکر وہاں کارکن کے اصل پاسپورٹ جس میں تاریخ پیدائش درست کرائی گئی ہو پیش کرے۔

اقامے میں معلومات درست کرانے کے لیے مخصوص فارم بھی پر کیا جانا لازمی ہے جس کے ساتھ پاسپورٹ اور اقامہ کی کاپی اور جوازات سے حاصل کیے گئے اپائنٹمنٹ کا پرنٹ بھی لگایا جائے۔

خیال رہے کہ ایسے کارکن جو اپنے اہل خانہ کے ہمراہ مملکت میں مقیم ہیں اور وہ اپنے اہل خانہ میں سے کسی کے اقامہ کارڈ میں معلومات کی درستگی کرنے کے خواہاں ہیں تو انہیں اس امر کی اجازت ہوتی ہے کہ وہ خود براہ راست جوازات کے دفتر سے رجوع کریں تاہم اس کے لیے بھی پیشگی وقت حاصل کرنا ضروری ہوگا جبکہ دیگر کاغذات وہی ہوں گے جن کا قبل ازیں ذکر کیا جاچکا ہے۔

اقامہ کارڈ میں درستگی کرانے کے بعد جوازات کے اہلکار دوسرا کارڈ پرنٹ کردیتے ہیں جس میں تاریخ کا جائزہ لینے کے بعد درست ہونے کی یقین دہانی کرلی جائے۔

Comments

یہ بھی پڑھیں