ریاض: سعودی عرب نے اسرائیل فلسطین کشیدگی فوری ختم کرنے کی اپیل کر دی۔
غیر ملکی میڈیا رپورٹس کے مطابق سعودی عرب نے اسرائیل فلسطین کشیدگی فوری ختم کرنے کی اپیل کر دی ہے، سعودی وزارت خارجہ نے کہا کہ موجودہ صورت حال پر عالمی برادری اپنی ذمہ داری پوری کرے۔
وزارت خارجہ نے جاری بیان میں کہا کہ دو ریاستی حل کو اس طرح حاصل کیا جائے کہ خطے میں اس کے ذریعے امن آ سکے۔
دوسری طرف ایران نے حماس کے اسرائیل پر حملوں کی حمایت کر دی ہے، ایرانی وزارت خارجہ نے کہا ہے کہ ایران حماس کے قابل فخر آپریشن کی حمایت کرتا ہے، آپریشن کے دوران مزاحمت نے اب تک شان دار فتوحات حاصل کی ہیں، صہیونیوں کے خلاف فلسطینیوں کی جدوجہد کی تاریخ ایک روشن مقام ہے۔
او آئی سی نے اسرائیلی جارحیت کی مذمت کر دی
امریکی وزیر دفاع لائیڈ آسٹن نے کہا ہے کہ اسرائیل اپنے دفاع کا حق محفوظ رکھتا ہے اور اُس کے لیے ہماری حمایت اٹل ہے، اسرائیل کی ہر قسم کی مدد کریں گے، بھارتی وزیر اعظم نریندرمودی بھی اسرائیل کی حمایت میں بول پڑے ہیں، کہا کہ مشکل وقت اسرائیل کے ساتھ کھڑے ہیں۔
غزہ اندھیروں میں ڈوب گیا، اسرائیل کا تمام سپلائی معطل کرنے کا اعلان
ترکیے اور یو اے ای نے اسرائیل اور فلسطین سے تحمل کا مظاہرہ کرنے کی اپیل کی ہے، اور روسی نائب وزیر خارجہ کا کہنا تھا کہ اسرائیل اور حماس فوری طور پر لڑائی بند کر دیں۔
