سعودی عرب میں یکم نومبر سے ادویات ساتھ لانے یا لےجانے سے متعلق نئے قواعد کا نفاذ ہو گا۔
میڈیا رپورٹس کے مطابق مملکت میں داخلے یا روانگی سے قبل مخصوص نسخے والی دواؤں کی پیشگی رجسٹریشن لازمی ہو گی۔
درد، ذہنی دباؤ، اے ڈی ایچ ڈی جیسی بیماریوں کی دواؤں والوں پر بھی پالیسی لاگو ہو گی۔
دواؤں کیلئے مسافروں کو آن لائن کلیئرنس حاصل کرنا ہو گی جس کے لیے درخواستیں کنٹرولڈ ڈرگ سسٹم کے ذریعےجمع کرائی جاسکتی ہیں۔
اس اقدام کا مقصد دواؤں کا محفوظ استعمال اور غیرقانونی ترسیل کی روک تھام ہے۔
سعودی ایوی ایشن اتھارٹی کا کہنا ہے کہ دنیا بھر کی ایئرلائنز کے مسافروں کے لئے نئی ہدایات جاری کی ہیں، نشہ آور یا سائیکو ٹراپیک ادویات۔کو سعودی ڈرگ کنٹرول سسٹم پر پہلے رجسٹرڈ کرانا ہوگا۔
سائیکو ٹراپک ادویات کو سعودی وزارت صحت کے لنک cds.fada.gov.sa پر لازمی رجسٹرڈ کرانا ہوگا۔ ادویات سے متعلق کلیئرنس لازمی لینا ہوگی۔
سعودی ایوی ایشن اتھارٹی کے مطابق خلاف ورزی پر مسافروں اور ایئرلائنز کے خلاف کارروائی ہوگی۔ تمام ایئرلائنز کو یکم نومبر سے نئی ہدایات پر لازمی عمل کے لیے نیا سرکلر جاری کردیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں