سعودی محکمہ ٹریفک کا اہم اعلان، سختی سے پابندی کی ہدایت

جدہ : سعودی عرب کے جدہ محکمہ ٹریفک نے مملکت کی اہم شاہراہوں پر سفر کرنے والے ملکی اور غیر ملکیوں کیلئے اہم اعلان کیا ہے۔

عرب میڈیا کی رپورٹ کے مطابق جدہ محکمہ ٹریفک نے کہا ہے کہ جدہ میں شاہراہ کنگ عبد العزیز اور شاہراہ شہزادہ فیصل بن فہد کو جوڑنے والی تمام سروس روڈ کو بند کردیا جائے گا۔

سبق ویب سائٹ کے مطابق دونوں مرکزی شاہراہوں کے درمیان تمام سروس روڈ کو فارمولا ون ریس کے لیے بند کیا جا رہا ہے۔

محکمہ ٹریفک نے کہا ہے کہ مذکورہ سروس روڈ 23 مارچ شام 5 بجے سے 28 مارچ صبح 8 بجے تک بند رہیں گی۔

محکمے نے کہا ہے کہ مذکورہ سروس روڈ بند کرنے سے کنگ عبد العزیز شاہراہ پر ٹریفک کا ازدہام متوقع ہے۔

محکمے نے کہا ہے کہ جن لوگوں کی رہائش مذکورہ سروس روڈ پر ہے صرف انہیں آنے جانے کی اجازت ہوگی۔

Comments