جدہ: سعودی عرب کے شہر جدہ میں اپنے دوست بندر القرھدی کو کار میں زندہ جلا کر مارنے والےسعودی شہری البرکات کو عدالت نے موت کی سزا دے دی۔
خلیجی میڈیا رپورٹس کے مطابق سعودی عرب کے شہر جدہ میں دوست کو کار میں جلا کر مارنے کے کیس میں ملوث سعودی شہری کو سعودی ٹرائل کورٹ کی جانب سے سزائے موت سنائی گئی ہے۔
مقتول بندر طہ القرھدی سعودی ایئرلائن میں ملازم تھے، انھیں دسمبر 2022 میں کار میں باندھ کر پیٹرول چھڑک کر آگ لگا دی گئی تھی، اس واقعے کی ویڈیو بھی سوشل میڈیا پروائرل ہوئی تھی، جس نے مملکت کو ہلا کر رکھ دیا تھا۔
سعودی وکیل عبدالعزیز القلیصی نے نے اپنے ٹویٹر اکاؤنٹ پر کہا کہ ڈیڑھ ماہ کے مقدمے کی سماعت کے بعد آخر کار مجرم کو سزائے موت سنا دی گئی ہے۔
الله يرحمك ي بندر.
#بندر_طه_القرهدي pic.twitter.com/YtLAgjwyGC— (@2sa4_) December 21, 2022
میڈیا رپورٹس کے مطابق طہ القرھدی کو دوستوں نے دھوکے سے الاسکان الجنوبی محلے کی پارکنگ پارکنگ میں بلا کر گاڑی میں آگ لگا دی تھی۔
الحمدلله على فضله تم الحكم اليوم علي قاتل إبني الشهيد بندر طه القرهدي بالقصاص بقتله تعزيرا pic.twitter.com/zpgKEggXCR
— أبو الشهيد قرهدي (@Abwgrhadi) January 26, 2023
آگ سے جھلسنے کے باجود سعودی شہری ہمت کر کے گاڑی سے باہر آیا، اس نے ایمبولینس طلب کرنے کی درخواست کی اور اپنے دوست سے سوال کیا کہ ’میں نے کیا برا کیا تھا۔‘
بعد ازاں سعودی شہری زخموں کی تاب نہ لاتے ہوئے چل بسا۔ گاڑی کو آگ لگانے میں ملوث شخص اور سعودی شہری بچپن کے دوست تھے اور ایک محلے میں رہائش پذیر تھے۔ جدہ پولیس نے ملزم کی گرفتاری اور تفتیش کے بعد بتایا تھا کہ دونوں کے درمیان پہلے سے جھگڑا چل رہا تھا۔
مجرم کو جدہ فوجداری عدالت کی تین رکنی بنچ نے موت کی سزا سنائی ہے، جسے سزا کے خلاف 30 روز کے اندر اپیل کورٹ جانے کا استحقاق ہے۔
