The news is by your side.

Advertisement

سعودی عرب میں فائرنگ، سعودی فرمانروا کا ذاتی محافظ قتل

ریاض: سعودی عرب میں دوست نے فائرنگ کرکے سعودی فرمانروا شاہ سلمان بن عبدالعزیز کے ذاتی محافظ کو قتل کردیا۔

عرب میڈیا کے مطابق سعودی فرمانروا شاہ سلمان بن عبدالعزیز کے ذاتی محافظ میجر جنرل عبدالعزیز الفغم کو دوست نے تلخ کلامی کے بعد فائرنگ کرکے قتل کردیا۔

میجر جنرل الفغم کے بھائی اور سعودی مجلس شوریٰ کے رکن ڈاکٹر نواف الفغم نے بھی اپنے ٹویٹر اکاؤنٹ پر ان کے انتقال کی خبر کی تصدیق کردی ہے۔

رپورٹ کے مطابق فائرنگ کے واقعے میں سعودی شہری اور فلپائنی ملازم سمیت 5 سیکیورٹی اہلکار بھی زخمی ہوئے ہیں۔

سعودی سیکیورٹی فورسز نے جائے وقوعہ سے شواہد اکٹھے کرکے تحقیقات کا آغاز کردیا ہے۔

عرب میڈیا کے مطابق میجر جنرل عبدالعزیز الفغم کو سعودی فرمانروا کی جانب سے دو مقدس مساجد کی ذمہ داریوں کا اعزاز بھی حاصل تھا۔

مرحوم میجر جنرل عبدالعزیز الفغم سعودی فرمانروا شاہ سلمان کے ساتھ بھی محافظ کے طور پر فرائض انجام دیتے رہے ہیں، شاہی قیادت ان پر بہت زیادہ اعتماد کرتی تھی۔

Comments

comments

یہ بھی پڑھیں