The news is by your side.

Advertisement

سعودی عرب: وژن 2030 کے تحت تفریحی منصوبوں کا افتتاح

ریاض: سعودی عرب میں وژن 2030 کے تحت ولی عہد محمد بن سلمان نے تفریحی منصوبوں کا افتتاح کردیا، منصوبے کے لیے خطیر رقم مختص کی گئی ہے۔

تفصیلات کے مطابق سعودی عرب کے ولی عہد محمد بن سلمان نے 86 بلین درہم سے تیار کردہ تفریحی منصوبوں کا افتتاح کردیا، منصوبے میں تفریحی امور کے علاوہ جزوی طور پر ترقیاتی سرگرمیاں بھی منصوبے کا حصہ ہوں گی۔

عرب میڈیا کا کہنا ہے کہ ان منصوبوں پر تئیس بلین ڈالر کی خطیر رقوم خرچ کی جائیں گی، منصوبوں میں ایک تفریحی پارک، ایک اسپورٹس ٹریک اور ایک آرٹ سینٹر کی تعمیر بھی شامل ہے۔

منصوبے کے تحت 70 ہزار سے زائد نئی نوکریوں کے مواقع پیدا ہوں گی، جبکہ بین الاقوامی سرمایہ کار بھی سعودی عرب کا رخ کریں گے اور کاروبار میں حصہ ڈالیں گے۔

عرب حکام سعودی شہریوں کو سہولیات فراہم کرنے بالخصوص خواتین کو بااختیار بنانے کے لیے ملک میں بھرپور اقدامات کررہے ہیں، وژن کے تحت خواتین کو گاڑیاں چلانے کی اجازت سمیت سینماؤں کو بھی بحال کردیا ہے۔

یاد رہے کہ گزشتہ برس تین جون کو ایک تاریخ سا ز فیصلے کے نتیجے میں سعودی خواتین کو گاڑی چلا نے کی اجازت ملی تھی جو کہ ایک قدامت پسند معاشرے میں بڑا اقدام تھا، جس کے بعد متعدد شعبوں میں خواتین اپنی صلاحتیوں کا لوہا منواتی رہیں۔

سعودی حکومت حقوق نسواں کا تحفظ یقینی بنانے کیلئے ہرممکن اقدام کرے گی، بندر العیبان

عرب میڈیا کے مطابق رواں ماہ سعودی خاتون عدوا الدخیل نے بلندی سے گرنے کے خوف کو شکست دیتے ہوئے پہلی سعودی خاتون پائلٹ بننے کا اعزاز حاصل کیا تھا۔

Comments

comments

یہ بھی پڑھیں