سعودی عرب کا کابل پروازوں سے متعلق بڑا فیصلہ

سعودی عرب نے افغان ایئرلائنز کو کابل کیلئے ہنگامی پروازیں چلانےکی اجازت دے دی۔

ریاض میں افغان سفارتخانہ کے مطابق سعودی حکام نے 9 ہنگامی پروازیں چلانےکی منظوری دی ہے جس کا ‏مقصد کورونا کے باعث جو افغانی واپس نہیں جاسکے انہیں لےجایا جائےگا۔

افغان سفارتخانہ کا کہنا ہے کہ 9 پروازوں سے افغان شہریوں کو افغانستان پہنچایا جائے گا پروازیں آئندہ چندروز ‏میں چلائی جائیں گی۔
‏
اس حوالے سے سفارتخانہ کا کہنا ہے کہ افغانستان کی سرکاری ایئرلائن آریانہ کو سعودی عرب سے کابل کےلیے ‏ہنگامی پروازیں چلانے کی اجازت ملی ہے۔

واضح رہے کہ طالبان کے اقتدار میں آنے کے بعد کابل پر قومی و بین الاقوامی فضائی آپریشن بحال ہو چکا ہے۔ ‏پاکستان، ایران، ترکی، قطر، یو اے ای سمیت کئی ممالک کی کابل کے لیے پروازیں جاری ہیں۔

Comments