The news is by your side.

Advertisement

سعودی عرب میں پھنسے ہوئے پاکستانیوں کی وطن واپسی کیلئے خوشخبری

کراچی : سعودی عرب میں پھنسے ہوئے پاکستانیوں کی وطن واپسی سے متعلق مسافروں کیلئے خوشخبری آگئی، ایئرمارشل ارشد ملک کی ذاتی کاوششوں کی وجہ سے 18مارچ تک کی خصوصی اجازت دیدی۔

تفصیلات کے مطابق کرونا وائرس سے بچاؤ کے پیش نظر سعودی عرب نے تمام بین الاقوامی پروازوں کے آنے اور جانے پر پابندی عائد کی ہوئی ہے جس کی وجہ سے سینکڑوں عمرہ زائرین اور وہاں موجود پاکستانی پریشانی میں مبتلا ہیں۔

اس حوالے سے ایئرمارشل ارشد ملک نے ذاتی طور پر سعودی ایوی ایشن سے درخواست کی تھی کہ انہیں کچھ دن کیلئے پروازوں کی اجازت دی جائے جس پر سعودی ایوی ایشن جی اے سی اے نے پی آئی اے کو جدہ اور مدینہ کیلئے خصوصی اجازت دے دی۔

پی آئی اے کے پاکستان سے خالی جہاز (فیری فلائٹس) جدہ اور مدینہ لینڈ کرسکیں گے، ذرائع کے مطابق پی آئی اے کو 18مارچ تک کی خصوصی اجازت دی گئی ہے، پی آئی اے جدہ اور مدینہ میں وطن واپسی کے منتظر عمرہ زائرین اور مسافروں کو 18مارچ تک کراچی، لاہور اور اسلام آباد پہنچایا جائے گا۔

پی آئی اے آج سعودی عرب پر لگنے والی پابندی کے باوجود 1800لوگوں کو لے کر پرواز پاکستان کیلئے روانہ ہوگی، پی آئی اے نے سعودی عرب میں ایئرپورٹس کی بندش سے پہلے 22پروازیں آپریٹ کی ہیں جن کے ذریعے 6ہزار سے زائد پاکستانیوں کو وطن پہنچایا ہے۔

fb-share-icon0
Tweet 20

Comments

comments

یہ بھی پڑھیں