تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

سعودی عرب : مسافر کتنی نقد رقم اور زیورات لا سکتے ہیں؟

ریاض : سعودی محکمہ شہری ہوا بازی نے فضائی کمپنیوں سے کہا ہے کہ وہ اپنے مسافروں کو مملکت میں کسٹم قوانین کے بارے میں مطلع کرتے رہیں۔

اس حوالے سے سوال ایوی ایشن کا کہنا ہے کہ مملکت آنے یا جانے والے مسافروں پرلازم ہے کہ وہ اپنے پاس موجود 60 ہزار ریال سے زائد نقد یا زیورات ہونے کی صورت میں کسٹم حکام کواس بارے میں مطلع کریں۔

سعودی ذرائع ابلاغ کے مطابق سول ایوی ایشن کا کہنا ہے کہ مسافروں کے لیے لازمی ہے کہ وہ جاری ہدایات کی پابندی کرتے ہوئے امیگریشن سے قبل کسٹم حکام سے رابطہ کرکے اپنے پاس موجود مقررہ حد سے زائد رقم اورزیوارت کے بارے میں مطلع کریں۔

سعودی عرب کے سفری قوانین کےتحت مسافروں کے لیے نقد رقم اور سونے کے زیوارت کی انتہائی حد مقرر کی گئی ہے اس سے زائد رقم یا قیمتی دھاتیں لانے اور لے جانے کی صورت میں کسٹم حکام کو مطلع کرنا ضروری ہے۔

یاد رہے کہ سعودی حکومت کی جانب سے اس بارے میں پابندی ہے کہ کسی مسافرکے پاس مجموعی طورپر60 ہزار ریال سے زائد نقد رقم یا یا قیمتی زیورات کی موجودگی کی صورت میں کسٹم اہلکارسے رابطہ کرکے اس کا باقاعدہ اندراج کرائیں۔

Comments

- Advertisement -