تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پیٹرولیم مصنوعات کی قیمتیں، سعودی حکومت کا اہم فیصلہ

ریاض : سعودی تیل کمپنی "آرامکو” نے جمعے کی شب ستمبر کے لیے پیٹرول کے نرخوں کا اعلان کیا ہے، سابقہ نرخ برقرار رکھے گئے ہیں۔

اس وقت مملکت کے تمام ریجنز میں پٹرول 91 کے لیے فی لیٹر دو ریال 18 ہلالہ جبکہ پیٹرول 95 کے لیے دو ریال 33 ہلالہ مقرر ہیں، ڈیزل 52 ہلالہ فی لیٹر اور کروسین 77 ہلالہ فی لیٹر میں دستیاب ہے جبکہ ایل پی جی کے نرخ 75 ہلالہ ہیں۔

واضح رہے کہ تیل کمپنی آرامکو کی جانب سے ہر ماہ کی 10 تاریخ کو پیٹرول اور ڈیزل کے نئے نرخ متعین کیے جاتے ہیں، جولائی اور اگست میں بھی پٹرول کے نرخوں میں اضافہ نہیں کیا گیا تھا اور سابقہ نرخ برقرار رکھے گئے تھےـ

یاد رہے کہ سعودی عرب میں توانائی اور پانی کی مصنوعات کی قیمتوں کی نگران انتظامی کمیٹی نے ایک بیان میں کہا تھا کہ ’ایوان شاہی کے احکامات پرعمل کرتے ہوئے مملکت میں پیٹرول کے جون والے نرخوں کو بحال رکھا گیا ہے۔

بیان میں کہا گیا تھا کہ ایوان شاہی کی جانب سے ہدایت کی گئی ہے کہ’ پٹرول کے نرخوں میں ہونے والے ماہانہ اضافہ کو حکومت برداشت کرے گی تاکہ شہریوں اور مقیم غیر ملکیوں پرمعاشی بوجھ نہ پڑے علاوہ ازیں مقامی معیشت کو بھی آسانی ہو۔ پیٹرول کے نرخوں میں ہونے والا اضافہ حکومت کی جانب سے ادا کیا جائے گا۔

Comments

- Advertisement -