ریاض: سعودی عرب میں پیٹرول کے نئے نرخ جاری کردیے گئے، 91 پیٹرول کی فی لیٹر قیمت ایک ریال 44 ہللہ اور 95 پیٹرول کی فی لیٹر قیمت ایک ریال 55 ہللہ مقرر کی گئی ہے۔
سعودی ویب سائٹ کے مطابق سعودی آرامکو نے جمعرات کی شب پیٹرول کے نئے نرخ جاری کیے ہیں، پیٹرول کی نئی قیمتوں کا اطلاق جمعہ 11 دسمبر سے کیا جائے گا۔
ماہ دسمبر کے لیے 91 پیٹرول کی فی لیٹر قیمت ایک ریال 44 ہللہ ہوگی، آرامکو کے مطابق 95 پیٹرول کی فی لیٹر قیمت ایک ریال 55 ہللہ مقرر کی گئی ہے۔
ڈیزل اور کیروسین آئل کے نرخوں میں تبدیلی نہیں ہوئی جو 52 ہللہ اور 70 ہللہ فی لیٹر کے حساب سے فروخت کیے جاتے ہیں۔
خیال رہے کہ سعودی آرامکو کی جانب سے ہر ماہ کی 10 تاریخ کو پیٹرول کے نئے نرخوں کا اعلان کیا جاتا ہے جن کا نفاذ اگلے دن سے ہوتا ہے۔
رواں برس جولائی میں ویلیو ایڈڈ ٹیکس میں اضافے کی وجہ سے پیٹرول کے نرخوں میں نمایاں اضافہ کیا گیا تھا جسے بعد میں بتدریج کم کیا گیا۔
اندرون ملک پیٹرول کے نرخ، سعودی عرب سے بین الاقوامی منڈیوں کے لیے تیل کی برآمد کے نرخوں میں تبدیلی کے حوالے سے بھی کم اور زیادہ کیے جاتے ہیں۔
