The news is by your side.

Advertisement

سعودی عرب کا فلسطینی عوام کے لیے مثالی اقدام

ریاض: سعودی عرب اور شاہ سلمان مرکز برائے امداد و انسانی خدمات کرونا وائرس کے پھیلاؤ سے نمٹنے کے لیے فلسطین کو امداد فراہم کرے گا۔

عرب میڈیا کے مطابق سعودی عرب اور شاہ سلمان مرکز برائے امدادی و انسانی خدمات نے کرونا وائرس کے پھیلاؤ سے نمٹنے کے لیے فلسطین کو 25لاکھ ڈالر سے زائد طبی امداد فراہم کرنے کا فیصلہ کرلیا۔

فلسطین کو بھیجی جانے والی امداد میں 2.66 ملین ڈالر کے طبی الات اور دیگر ضروری اشیا شامل ہیں جنہیں چین اور یوریپین ممالک سے درآمد کیا گیا ہے۔

مزید پڑھیں: کرونا وائرس، شاہ سلمان کا بڑے ریلیف کا اعلان

واضح رہے کہ اس سے قبل سعودی عرب نے عالمی ادارہ صحت کی اپیل پر بھی 500 ملین ڈالر کے عطیے کا اعلان کیا تھا۔

سعودی عرب کی جانب سے دی جانے والی اس امداد میں 15 کروڑ ڈالر کرونا وائرس کی مناسب روک تھام کے لیے جدید آلات کی تیاری جبکہ 15 کروڑ ڈالر اس بیماری کے سدباب کے لیے ویکسین کی تیاری میں مدد کے لیے مختص ہیں۔

یاد رہے کہ سعودی عرب کرونا وائرس کی عالمی تباہ کاریوں کو روکنے کے لیے اپنی تمام تر ذمہ داریاں ادا کررہا ہے، عالمی اداروں کی امداد سے اس وبا کو پھیلنے سے روکنے میں مدد ملے گی۔

Comments

یہ بھی پڑھیں