The news is by your side.

Advertisement

سعودی عرب : پولیس کی بڑی کارروائی، ملزم رنگے ہاتھوں گرفتار

ریاض : سعودی پولیس نے اے ٹی ایم میں واردات کرنے والے ملزم کو گرفتار کرلیا، ملزم گاڑیوں کے شیشے توڑنے میں بھی ملوث ہے۔

تفصیلات کے مطابق ریاض پولیس نے دو اے ٹی ایم توڑنے والے سعودی شہری کو فوری کارروائی کرتے ہوئے گرفتار کرلیا ہے، اس نے دارالحکومت ریاض کے التلال محلے میں کئی گاڑیوں کے شیشے بھی توڑ دیئے تھے۔

سعودی ذرائع ابلاغ کے مطابق وزارت داخلہ نے اپنے سرکاری اسنیپ اکاؤنٹ پر بیان جاری کرکے کہا ہے کہ اے ٹی ایم اور گاڑیوں کے شیشے توڑنے والے سعودی شہری کی عمر چالیس سال سے زائد ہے۔

ترجمان وزارت داخلہ نے بیان میں مزید بتایا ہے کہ ملزم کے طبی معائنے سے پتہ چلا کہ واردات کے وقت وہ ہوش میں نہیں تھا، اسے حراست میں لے کر مزید قانونی کارروائی کے لیے متعلقہ ادارے کے حوالے کردیا گیا ہے۔

وزارت داخلہ نے بیان میں یہ نہیں بتایا کہ دو اے ٹی ایم میں توڑ پھوڑ مچانے اور کئی گاڑیوں کے شیشے توڑنے والے شہری کا واردات کے وقت ہوش میں نہ ہونے کی اصل وجہ کیا تھی۔

Comments

یہ بھی پڑھیں