The news is by your side.

Advertisement

سعودی عرب گلوبل انٹرپرینیورشپ انڈیکس میں 7ویں نمبر پر آگیا

ریاض : نئے کاروبار کی حوصلہ افزائی کی بدولت سعودی عرب گلوبل انڈیکس میں 10 درجے ترقی کرکے 7ویں پوزیشن پر آگیا۔

غیرملکی خبر رساں ادارے کی رپورٹ کے مطابق گلوبل انٹرپرینیورشپ انڈیکس نے درجہ بندی کی فہرست جاری کردی، جس میں سعودی عرب نے 10 درجے ترقی کی ہے۔

ریاست کی ترقی نئے کاروبار کی حوصلہ افزائی سے ہوئی ہے، کیونکہ سعودی عرب میں وژن 2030 کے تحت گزشتہ تین برسوں کے دوران نئے کاروبار میں نمایاں اضافہ ہوا ہے۔

میڈیا رپورٹس کے مطابق وژن 2030کے تحت سعودی حکومت نئے کاروبار شروع کرنے والوں کو فنڈز بھی فراہم کرے گی تاکہ نئے کاروبار کو مزید تقویت فراہم ہو۔

گلوبل انٹرپرنیورشپ اینڈ ڈیولپمنٹ انسٹیٹیوٹ نامی عالمی ادارے کے مطابق 2018 میں سعودی عرب کی پوزیشن 45 ویں نمبر پر تھی۔

Comments

یہ بھی پڑھیں