ریاض: سعودی عرب میں انتظامیہ نے بجلی کی قیمتوں میں اضافے سے متعلق خبروں کو بے بنیاد قرار دے دیا۔
عرب میڈیا کی رپورٹ کے مطابق ان دونوں سوشل میڈیا پر خبریں گردش کررہی ہیں کہ متعقلہ ادارے سعودی عرب میں بجلی کے نرخوں میں اضافے کا پلان تیار کرچکے ہیں۔
تاہم سعودی بجلی کمپنی نے مذکورہ تمام خبروں کو من گھڑت، افواہ اور جھوٹ کا پلندہ قرار دیا ہے۔
سعودی عرب میں مہنگائی کی لہر، اشیائے خور و نوش کی قیمتوں میں اضافہ
سماجی رابطے کی ویب سائٹ ٹویٹر پر کمپنی نے وضاحت کی ہے کہ سعودی عرب میں بجلی کی قیمتوں میں اضافہ نہیں ہورہا اور نہ ہی اس قسم کا کوئی پلان تیار کیا گیا ہے۔
بجلی کمپنی کا کہنا تھا کہ افواہ پھیلانے والوں نے بجلی کتنی مہنگی ہوگی اس کا تعین بھی کرلیا ہے۔ جبکہ حقیقت یہ ہے کہ بجلی کے نرخوں میں اضافہ کمپنی کے ایجنڈے میں اس وقت نہیں ہے۔
متعلقہ ادارے نے عوام سے اپیل بھی کی ہے کہ وہ جھوٹی خبروں پر کان نہ دھریں۔
