تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب کا سب سے بڑا محفوظ سمندری جنگل

ریاض: سعودی عرب کا سب سے بڑا محفوظ سمندری جنگل بحیرہ احمر کے جزائر میں تعمیر کرنے کا اعلان کیا گیا ہے، اس علاقے میں نقصان دہ پلاسٹک کا استعمال، فضلہ چھوڑنا اور گندے پانی کی نکاسی ممنوع ہوگی۔

سعودی ویب سائٹ کے مطابق بحیرہ احمر ڈیولپمنٹ کمپنی نے سعودی عرب کا سب سے بڑا محفوظ سمندری جنگل بحیرہ احمر کے جزائر میں 5 ہزار 373 کلو میٹر کے علاقے میں تعمیر کرنے کا اعلان کیا ہے۔

کمپنی نے سماجی رابطے کی ویب سائٹ ٹویٹر پر انفو گرافک کے ذریعے بتایا ہے کہ محفوظ سمندری قومی جنگل کے لیے قواعد و ضوابط تیار کرلیے گئے ہیں۔ اس علاقے میں ایسے پلاسٹک کا استعمال منع ہوگا جسے ری سائیکل نہ کیا جاسکے۔

علاوہ ازیں یہاں فضلہ چھوڑنے پر پابندی ہوگی جبکہ اس علاقے میں گندے پانی کی نکاسی ممنوع ہوگی۔

کمپنی نے بتایا کہ اس علاقے میں جدید طرز کے 50 ہوٹل کھولے جائیں گے، ایک ہوائی اڈہ بنایا جائے گا۔ جہازوں کو لنگر انداز ہونے کے لیے سمندری پلیٹ فارم بھی قائم کیے جائیں گے۔

کمپنی کا کہنا ہے کہ سعودی عرب کے مغربی ساحل پر تفریحاتی مراکز کھولے جائیں گے، یہاں آنے جانے کے لیے بین الاقوامی قاعدے ضابطے ہوں گے۔ کسی بھی مسافر کو غیر معیاری سرگرمی کی اجازت نہیں ہوگی۔

بحیرہ احمر کمپنی نے بتایا کہ ہمارا پورا پروجیکٹ 100 فیصد تجدد پذیر توانائی پر ہوگا۔ پروجیکٹ کے ماحولیاتی مقاصد مقرر کرلیے گئے ہیں، ان کے تحت 75 فیصد جزیروں کو ہر طرح سے آلودہ ہونے سے بچایا جائے گا۔

علاوہ ازیں 9 جزیرے محفوط جنگل کے طور پر استعمال ہوں گے جبکہ 30 فیصد تک بیالوجیکل تنوع کا بندوبست کیا جائے گا۔

Comments

- Advertisement -