The news is by your side.

Advertisement

سعودی عرب میں ڈرائیوروں کے لیے نقد انعامات اور گاڑی

ریاض : سعودی ٹریفک پولیس نے شاہراہوں پر قوانین پر مکمل عمل درآمد کرنے والے ڈرائیوروں کو خوشخبری سنادی اس مہم میں ڈرائیوروں کو ایک ہزار ریال سمیت تعریفی سرٹیفکیٹ اور دس گاڑیاں بطور انعام دی جائیں گی۔

تفصیلات کے مطابق سعودی عرب کی سڑکوں پر گاڑیاں چلانے والوں کو اب انعامات دیئے جائیں گے، اس سلسلے میں محکمہ ٹریفک پولیس نے یہ فیصلہ کیا ہے کہ جو ڈرائیور حضرات مکمل قوانین پر عمل پیرا ہوکر روڈ گاڑی پر چلائیں گے انہیں تعریفی اسناد کے ساتھ دس گاڑیاں بھی انعام میں پیش کی جائیں گی۔

اس حوالے سے باضابطہ طور پر ایک مہم کا آغاز کیا گیا ہے، محکمہ ٹریفک نے اپنی نوعیت کی یہ نئی مہم روڈ سیکیورٹی نیشنل سینٹر کے تعاون سے شروع کی ہے، جس میں تعریفی اسناد اور گاڑیاں شاہراہوں پر ڈرائیونگ کے دوران ٹریفک ضوابط کی پابندی کرنے والے ڈرائیوروں کو دی جائیں گی۔

محکمہ ٹریفک کے مطابق انعامات کی تقسیم کا آغاز سعودی عرب کے شہر ریاض سے کیا گیا ہے، اس مہم کے دوران یہ دیکھا جارہا ہے کہ ڈرائیور ٹریفک قوانین کی کس حد تک پابندی کررہا ہے۔

اس سلسلے میں گاڑی کی رفتار اور لین کی پابندی سمیت حفاظتی بیلٹ باندھنے، موبائل استعمال نہ کرنے اور دائیں بائیں مڑتے وقت اشارہ دینے والے قوانین شامل ہیں۔

اس حوالے سے محکمہ ٹریفک نے سماجی رابطے کی ویب سائٹ ٹوئٹر پر ایک وڈیو کلپ شئیئر کیا ہے جس میں ٹریفک پولیس نے ان دو ڈرائیوروں کا شکریہ ادا کیا ہے جو قوانین پر عمل کرتے ہیں۔

ویڈیو میں انہیں محکمہ ٹریفک کے ڈائریکٹر جنرل کی جانب سے تعریفی اسناد اور نقد انعام دیتے ہوئے بھی دکھایا گیا ہے۔

fb-share-icon0
Tweet 20

Comments

comments

یہ بھی پڑھیں