بدھ, فروری 19, 2025
اشتہار

سعودی عرب: پانچ افراد کو شہریت دینے کا شاہی فرمان جاری

اشتہار

حیرت انگیز

سعودی محکمہ احوال مدنیہ کی جانب سے جاری بیان میں کہا گیا ہے کہ مزید چار افراد کو سعودی شہریت دی گئی ہے جبکہ قانون شہریت کے مطابق اصلاح حال کے بعد ایک اور شخص کو شہریت دے دی گئی۔

غیر ملکی ذرائع ابلاغ کے مطابق سرکاری گزٹ ام القری میں جمعے کو دو شاہی فرامین اور تین وزارتی فیصلے شائع ہوئے جن کے ذریعے چار افراد کو سعودی شہریت ملنے کی خوشخبری سنائی گئی۔

احوال مدنیہ حائل ریجن کے مطابق شیما حمد خلیفہ البقعانی العقیدی اورمریم حمد خلیفہ البقعانی العقیدی کو سعودی شہریت دینے کا شاہی فرمان جاری کیا گیا، پانچویں شخص کی شہریت کا فیصلہ اصلاح حال کے تحت متعلقہ قانون کے مطابق کیا گیا۔

عامر بن ہلال دعاس الخماعلہ کو القریات کمشنری میں سعودی شہریت وزارت داخلہ کی قرارداد پر دی گئی جبکہ نجران ریجن میں فاطمہ مصلح علی الجود کو سعودی شہریت دینے کا فیصلہ وزارت داخلہ کی جانب سے جاری کیا گیا۔

حج و عمرہ کی بکنگ کروانے والے ہوشیار!

جازان ریجن میں احوال مدنیہ کے مطابق احمد عیسی حمود احمد کا معاملہ سعودی قانون شہریت دفعہ 8 کے مطابق طے کیا گیا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں