The news is by your side.

Advertisement

سعودی عرب : شاہ سلمان بن عبدالعزیز عنقریب اہم اعلان کریں گے

ریاض : خادم حرمین شریفین شاہ سلمان بن عبدالعزیز بدھ کو مجلس شوریٰ کے نئے سیشن سے خطاب کریں گے، اس موقع پر وہ اپنے خطاب میں ملک کی داخلہ اور خارجہ پالیسی کے اہم نکات پر روشنی ڈالیں گے۔

ارکان شوریٰ آن لائن شاہ سلمان کا خطاب سنیں گے، شاہ سلمان اہم علاقائی اور بین الااقوامی مسائل پر مملکت کا موقف بیان کریں گے۔

سعودی خبر رساں ادارے کے مطابق صدر مجلس شوریٰ ڈاکٹرعبداللہ آل شیخ نے بتایا ہے کہ اس موقع پر وہ اور ارکان شوری قائد اعلیٰ کے سامنے حلف بھی اٹھائیں گے۔

صدر مجلس شوری نے سالانہ خطاب کے حوالے سے میڈیا کو بتایا کہ شاہ سلمان سے ارکان شوریٰ کی ملاقات سب کے لیے باعث فخر ہوگی۔

صدر شوری نے مزید کہا کہ شاہی خطاب شوریٰ اور اس کے ارکان کے لیے روڈ میپ ہوگا جس کی روشنی میں وہ داحلی وخارجی امور کے جائزے لیں گے اور اہم فیصلے لیے جائیں گے۔

Comments

یہ بھی پڑھیں