The news is by your side.

Advertisement

سعودی حکومت نے تجارتی مراکز کیلئے نیا حکم جاری کردیا

ریاض : سعودی حکومت نے کورونا وائرس کے پھیلاؤ کے سد باب کیلئے مارکیٹوں اور بازاروں کھولنے سے متعلق نئے احکامات جاری کردیئے، جس کے تحت ایس اوپیز پر مکمل عمل درآمد کے ساتھ تجارتی مراکز کو کھولا جاسکتا ہے۔

سعودی وزارت تجارت کے ترجمان عبدالرحمٰن الحسین نے میڈیا سے گفتگو کرتے ہوئے کہا ہے کہ تجارتی مراکز اور بازاروں کو چوبیس گھنٹے کھولنے کی اجازت دی گئی ہے۔

وزارت تجارت نے یہ فیصلہ بازاروں میں صارفین کا رش کم کرنے کے لیے کیا گیا ہے تاہم تجارتی اداروں کو چوبیس گھنٹے کھلا رکھنے کے لیے خصوصی اجازت نامہ حاصل کرنا ہوگا۔

سعودی ذرائع ابلاغ کے مطابق عبدالرحمٰن الحسین نے خبردار کیا کہ ہر وہ دکان اور ہر وہ تجارتی مرکز جہاں گنجائش سے زیادہ صارفین کا رش ہوگا اسے فوراً بند کردیا جائے گا۔

وزارت تجارت کے ترجمان نے کہا کہ ماہ شعبان اور رمضان کے مہینوں میں کورونا ایس او پیز کی 5800 سے زیادہ خلاف ورزیاں ریکارڈ کی گئی ہیں۔ انہوں نے کہا کہ چار خلاف ورزیاں ایسی ہیں جن کے ریکارڈ پر آنے کی صورت میں تجارتی مراکز بند رکھے جائیں گے۔

سعودی وزارت تجارت کے ترجمان نے تمام شہریوں سے اپیل کی ہے کہ وہ مصروف ترین اوقات میں بازاروں میں خریداری سے گریز کریں۔ بہتر ہوگا کہ آن لائن شاپنگ کو ترجیح دی جائے۔

وزارت تجارت کے ترجمان عبدالرحمٰن الحسین نے ہدایت کی کہ کوئی بھی تجارتی مرکز اپنے افتتاحی پروگرام میں کسی بھی مشہور شخصیت کو مہمان نہ بنائے۔

Comments

یہ بھی پڑھیں