The news is by your side.

Advertisement

سعودی عرب : تجارتی مراکز میں خصوصی رعایت کا اعلان

ریاض : سعودی دارالحکومت ریاض کے تجارتی مراکز نے یوم تاسیس کے حوالے سے صارفین کے لیے خصوصی آفرز دی ہیں۔ یہ سلسلہ آج پیر کی رات تک جاری رہے گا۔

سعودی خبر رساں ایجنسی ایس پی اے کے مطابق مملکت کی تاریخ تین صدیوں سے زیادہ عرصے پر محیط ہے۔

تجارتی مراکز نے ریاض، ظہران، دمام، بریدہ، مدینہ منورہ، حائل، تبوک، خمیس مشیط، جدہ، جازان، عرعر، باحہ اور سکاکا کے سعودی شہریوں اور مقیم غیرملکیوں کو یوم تاسیس کی خصوصی آفرز اور اس موقع پر ہونے والی تقریبات میں شامل کیا ہے۔

ملبوسات، دستی مصنوعات، کھانے پینے کی اشیا پر رعایت دی جا رہی ہے۔علاوہ ازیں اس مناسبت سے تاریخی تصاویر کی نمائشیں بھی منعقد کی جارہی ہیں۔

تجارتی مراکز کی خصوصی آفرز کوصارفین نے سراہا ہے۔ مملکت بھر میں یوم تاسیس کے پروگرام چار دن جاری رہیں گے۔ اس کی شروعات منگل 22 فروری سے ہوگی۔

عرب نیوز کے مطابق مختلف پروگراموں میں روایتی ملبوسات، رسم و رواج اور روایتی سعودی کافی کی خوشبو کے ساتھ مختلف ثقافتی رنگ پیش کئے جائیں گے۔

مملکت کے تمام بڑے شہر ایسے روایتی پروگراموں کی میزبانی کریں گے جس میں ریاست کے قیام کے بعد کی جدوجہد اور کامیابیوں کی تاریخ پر روشنی ڈالی جائے گی۔

Comments

یہ بھی پڑھیں