ریاض : سعودی پولیس نے سوشل میڈیا پر منشیات کے استعمال کی ترغیب دینے والے ملزم کو گرفتار کرلیا، ملزم خود بھی منشیات کے دھندے میں ملوث ہے۔
تفصیلات کے مطابق سعودی عرب میں محکمہ انسداد منشیات کے ترجمان لیفٹینٹ محمد النجیدی نے کہا ہے کہ سوشل میڈیا پر منشیات کے ترغیب دینے والے سعودی شہری کو گرفتار کیا گیا ہے۔
سعودی خبر رساں ایجنسی نے ترجمان اینٹی نارکوٹکس کے حوالے سے بتایا کہ ملزم کو جازان شہر میں حراست میں لیا گیا، ملزم سوشل میڈیا پر منشیات استعمال کرنے کی وڈیو اپ لوڈ کرکے نشہ آور اشیا کے استعمال کی نہ صرف ترغیب دیتا تھا بلکہ اس طرح وہ منشیات فروشی کے مکروہ دھندے میں بھی ملوث تھا۔
محکمہ انسداد منشیات کی ٹیم نے ملزم کے خلاف رپورٹ درج کرکے تحقیقات کا آغاز کردیا۔ مقدمے کا چالان عدالت میں پیش کیا جائے گا۔
واضح رہے اس سے قبل بھی سوشل میڈیا پر منشیات فروشی اور اس کے استعمال کی ترغیب دینے پر کچھ عرصہ قبل بھی ایک شخص کو حراست میں لیا گیا تھا۔
