سعودی عرب: سوشل میڈیا صارفین خبردار!

سعودی عرب میں سوشل میڈیا پر تضحیک آمیز مزاق پر مبنی مواد شیئر کرنے پر سخت سزائیں تفویض کی گئی ہیں۔

سوشل میڈیا پر مذاق کرنے والوں کو 50 لاکھ ریال جرمانے سمیت 3 سال تک قید کی سزا ہو سکتی ہے۔

اس حوالے سے ماہر قانون ڈاکٹر ماجد قاروب کا کہنا ہے کہ سوشل میڈیا پر پرینک یا تضحیک پر مبنی مواد سائبر کرائم قانون کی خلاف ورزی کے زمرے میں آتا ہے۔

ان کا کہنا ہے کہ رضامندی کے ساتھ بنائی گئی ویڈیو بھی سائبر کرائم کے زمرے میں آتی ہے۔ تضحیک آمیز مواد کی ترویج بھی قابل سزا جرم ہے۔ ایسے مواد کو لائک، شیئر کرنا بھی قانون کی خلاف ورزی ہے۔

ماہر قانون نے واضح کیا ہے کہ سوشل میڈیا پر مذاق اڑانے والوں کو 5 سے 50 لاکھ ریال جرمانہ اور 6 سے 3 سال تک قید کا سامنا کرنا پڑ سکتا ہے۔

Comments