ریاض: سعودی حکومت نے ’’گناہ ٹیکس‘‘ کے بعد اب غیر ملکی باشندوں پر نیا ٹیکس عائد کرنے کا فیصلہ کیا ہے جس کے تحت سعودی عرب میں ہر غیر ملکی شہری کو اگلے ماہ سے ابتدا میں 100 ریال ماہانہ اور بعدازاں 400 ریال ماہانہ ادا کرنے ہوں گے۔
گلف نیوز کے مطابق اگلے ماہ یعنی یکم جولائی سے سعودی عرب میں مقیم تمام غیر ملکی باشندے اپنا اور اپنے زیر کفالت افراد کا لیوی ٹیکس ادا کریں گے جس کا مقصد تیل کی بتدریج کم ہونے والی قیمتوں کے نتیجے میں گرتی ہوئی معیشت کو سہارا دینا ہے۔
لیوی ٹیکس کی رقم ہر غیر ملکی باشندے سے 100 ریال فی کس کے حساب سے ہر ماہ وصول کی جائے گی، معاملہ یہیں پر ختم نہیں ہوگا بلکہ ہر سال اس ٹیکس کی رقم میں 100 ریال کا اضافہ کیا جائے گا جو کہ 2020ء تک جاری رہے گا۔
ہر غیر سعودی شخص یکم جولائی سے 100 ریال ادا کررہا ہوگا لیکن اگلے سال اس پر مزید بوجھ پڑے گا اور سال 2018ء سے لیوی ٹیکس کی یہ رقم بڑھا کر 200 ریال ماہانہ کردی جائے گی یعنی ایک سال وہاں گزارنے والا 2400 ریال سالانہ ادا کرے گا۔
#SaudiArabia to start collecting #expat levy next month https://t.co/S6TbaN1uhl
— Expat Arrivals (@ExpatArrivals) June 12, 2017
اسی طرح 2019ء میں ٹیکس کی رقم 300 ریال ماہانہ یعنی 3600 ریال سالانہ اور سال 2020ء میں 400 ریال ماہانہ یعنی 4800 ریال سالانہ کردی جائے گی۔
خیال رہے کہ سعودی حکام کا اس ٹیکس کے نفاذ کا مقصد ملکی آمدنی میں اضافہ کرنا ہے لیکن کاروباری افراد لیوی ٹیکس لگنے پر چیزوں کی اشیا کی لاگت میں اضافہ کرسکتے ہیں۔
یہ بھی پڑھیں: سعودی حکام کا مقامی شہریوں و کمپنیوں کا انکم ٹیکس معاف کرنے کا اعلان
سعودی عرب میں موجود ایسی کمپنیاں جہاں غیر ملکی ملازمین کی تعداد مقامی افراد سے زیادہ ہے وہ پہلے ہی لیوی ٹیکس کے متبادل کے طور پر ہر غیر ملکی ملازم کے عوض 200 ریال ماہانہ ادا کررہی ہیں تاکہ اب یہ ٹیکس ہر شہری پر عائد کیا جارہا ہے۔
اہل خانہ کے ہر فرد پر ٹیکس لاگو ہوگا
یہ ٹیکس زیر کفالت لوگوں پر بھی عائد ہوگا یعنی اگر ہوئی غیر ملکی وہاں سعودی عرب میں موجود ہے اور اس کے اہل خانہ نے سعودی عرب آچکے ہیں تو اسے بھی ہر فرد کے حساب سے ٹیکس کی ادائیگی کرنی ہوگی۔
اطلاعات ہیں کہ ایسے گھرانوں کے لیے ٹیکس کی رقم میں کچھ رعایت دی جائے گی۔
ضرور پڑھیں: سعودی عرب میں ’’ گناہ ٹیکس‘‘ عائد
دریں اثنا غیر ملکی باشندوں کی جانب سے اپنے وطن بھیجی جانے والی رقم پر ٹیکس لگائے جانے کا فیصلہ ابھی باقی ہے۔
اسی موضوع پر دیگر خبریں:
سعودی عرب:ترسیلات زر پر ٹیکس لگانے کی تجویز مسترد
سعودی شہریوں پر ٹیکس عائد کرنے کی منظوری
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں
