ریاض (6 فروری 2026): سعودی عرب نے ملک میں موجود لاکھوں اونٹوں کو پاسپورٹ جاری کرنے کا اعلان کر دیا ہے۔
عرب میڈیا کے مطابق سعودی عرب نے مملکت میں موجود لاکھوں اونٹوں کو پاسپورٹ جاری کرنے کا اعلان کیا ہے۔ اس منصوبے کا مقصد اونٹوں سے متعلق قابل اعتماد ڈیٹا بیس تیار کرنا اور قیمتی اونٹوں کے ریوڑوں کا بہتر انتظام کرنا ہے۔
اس حوالے سے وزارت ماحولیات، پانی اور زراعت کی جانب سے سوشل میڈیا ایپ ایکس پر ایک پوسٹ جاری کی گئی ہے۔ اس میں اونٹوں کے لیے بنائے گئے سبز رنگ کے پاسپورٹ کی تصویر شائد کی گئی ہے۔
پاسپورٹ پر سعودی قومی نشان اور سنہری رنگ میں اونٹ کی تصویر بنی ہوئی ہے۔
سال 2024 کے اعداد وشمار کے مطابق سعودی عرب میں اونٹوں کی مجموعی تعداد 22 لاکھ ہے۔
معالي نائب الوزير يدشّن جواز سفر الإبل، بهدف رفع كفاءة الإنتاجية في القطاع، وبناء قاعدة مرجعية للإبل. pic.twitter.com/iC1Qeq1bUs
— وزارة البيئة والمياه والزراعة (@MEWA_KSA) February 3, 2026
واضح رہے کہ سعودی عرب میں اونٹ کو انتہائی اہمیت حاصل ہے۔ یہ جانور نہ صرف عرب دنیا میں نقل وحمل کا اہم ذریعہ رہا ہے بلکہ اونٹ اپنے مالکان کے وقار اور سماجی حیثیت کی علامت بھی سمجھے جاتے ہیں۔
سعودی عرب میں ہر سال منعقد ہونے والے تہواروں کے دوران اونٹوں کے مقابلہ حسن بھی منعقد ہوتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں