ریاض: بکتر بند یونٹ کے حوالے سے سعودی عرب دنیا کے بڑے ممالک کے درمیان پانچویں نمبر پر آ گیا۔
تفصیلات کے مطابق عسکری امور کی ویب سائٹ ’گلوبل فائر پاور‘ کی جانب سے ایک تازہ سروے میں کہا گیا ہے کہ ’بکتر بند رجمنٹ‘ کے حوالے سے عالمی سطح پر سعودی عرب پانچویں نمبر پر پہنچ گیا۔
بکتر بند رجمنٹ کی کیٹیگری میں امریکا پہلے نمبر پر براجمان ہے، چین دوسرے نمبر پر ہے، روس کا تیسرا نمبر ہے، جب کہ جنوبی کوریا چوتھے نمبر ہے۔
گلوبل فائر پاور کی رپورٹ کے مطابق سعودی عرب کی بری فورسز کے پاس 12 ہزار 500 بکتر بند گاڑیاں ہیں۔
امریکا کی افواج کے پاس 40 ہزار بکتر بند ہیں، چین 35 ہزار بکتر بند رجنمٹ رکھتا ہے، روس کا بکتر بند یونٹ 27 ہزار 100 پر مشتمل ہے، جب کہ جنوبی کوریا کا رجمنٹ 14 ہزار 100 بکتر بند گاڑیوں پر مشتمل ہے۔
سعودی عرب کی بری افواج اپنے 12 ہزار 500 بکتر بند رجمنٹ کے حوالے سے اس وقت برطانیہ، جرمنی، فرانس، ایران، ترکی اور اسرائیل پر برتری رکھتا ہے۔
علاقائی سطح پر بکتر بند گاڑیوں کے حوالے سے ترکی کا نمبر 6 ہے جس کے پاس اس وقت 11 ہزار 630 بکتر بند یونٹ ہے جب کہ مصر کا نمبر 8 واں ہے جہاں 11 ہزار یونٹ ہیں، اور پاکستان 11 ویں نمبر پر ہے جس کے پاس 9 ہزار 635 یونٹس ہیں۔
ایران کی بری افواج میں 8 ہزار 500 بکتر بند گاڑیاں ہیں جو اس وقت عالمی سطح پر 15 ویں نمبر کا حامل ہے اور اسرائیل 7 ہزار 500 بکتر بند یونٹ کے ساتھ 17 ویں نمبر پر ہے۔
واضح رہے بکتر بند یونٹ بری افواج کا انتہائی اہم یونٹ مانا جاتا ہے جس کا استعمال انتہائی اہم مواقع پر کیاجاتا ہے، بکتر بند کسی بھی فوج کے لیے بے حد اہم ہوتا ہے جس کی موجودگی میں فوجی نقل و حمل آسان ہوتی ہے۔
