تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

سعودی عرب: سیاحت سے منسلک ایک لاکھ سے زائد افراد کی ٹریننگ

ریاض: سعودی عرب میں 1 لاکھ سے زائد افراد کو سیاحت کے حوالے سے ٹریننگ دی گئی ہے، ٹورسٹ گائیڈز کے لیے نئے ضوابط بھی نافذ کیے گئے ہیں۔

اردو نیوز کے مطابق سعودی وزیر سیاحت احمد الخطیب کا کہنا ہے کہ سیاحت کے شعبے میں 1 لاکھ سے زیادہ سعودی مرد و خواتین کو ٹریننگ دی گئی ہے جس پر 400 ملین ریال خرچ کیے گئے ہیں۔

الخطیب نے سعودی سیاحت کے شعبے میں سرمایہ کاروں اور مقامی شہریوں کے ساتھ ماہانہ ورچوئل مکالمے کے دوران تاکید کی کہ ہماری وزارت نئے سیاحتی نظام کے تحت جو نئے قواعد و ضوابط جاری کر رہی ہے۔

ان کا مقصد شعبے کو ترقی دینا ہے اور سب پر ان کی پابندی کرنا لازمی ہے۔

الخطیب نے توجہ دلائی کہ وزارت نے اصلاح حال کے حوالے سے جو مہلت دی ہے وہ ماہ رواں کی 25 تاریخ کو ختم ہوجائے گی۔

انہوں نے کہا کہ وزارت کے انسپکٹرز تفتیشی مہم چلائیں گے اور نئے ضوابط کی خلاف ورزی پر سزائیں دی جائیں گی۔

الخطیب کا مزید کہنا تھا کہ ٹورسٹ گائیڈز پر نئے ضابطے نافذ ہوں گے، اس سلسلے میں کسی کے ساتھ کوئی رعایت نہیں ہوگی، سب کو معلوم ہونا چاہیئے کہ سعودی تمدن کی صحیح تصویر پوری دنیا کے سامنے پہنچانا ضروری ہے۔

الخطیب نے کہا کہ سیاحت کے شعبے نے مختلف حوالوں سے تاریخی نمبر ریکارڈ کروائے ہیں، جنوری 2023 کے دوران سیاحوں کی تعداد 24 لاکھ تک پہنچ گئی جبکہ فروری میں 25 لاکھ سیاح آئے۔

Comments

- Advertisement -