سعودی عرب، ٹریفک حادثے میں ایک ہی خاندان نے 7 افراد جاں بحق
The news is by your side.

Advertisement

سعودی عرب، ٹریفک حادثے میں ایک ہی خاندان کے 7 افراد جاں بحق

ریاض: سعودی دارالحکومت ریاض میں ٹریفک حادثے کے نتیجے میں ایک ہی خاندان کے 7 افراد جاں بحق ہوگئے۔

عرب میڈیا کی رپورٹ کے مطابق حادثہ گزشتہ شب پرانی ساحلی شاہراہ مکہ اللیث ہائی وے پر پیش آیا جس کے نتیجے میں گاڑی میں موجود ایک ہی خاندان کے 7 افراد کی قیمتی جانیں ضائع ہوگئیں۔

رپورٹ کے مطابق حادثے میں جاں بحق ہونے والے افراد میں ایک شخص اور اس کی دو بیویاں، ایک بیٹا اور تین بیٹیاں شامل ہیں، اس کے علاوہ گاڑی میں موجود 4 بیٹیاں زخمی ہوئیں۔

حادثے میں جاں بحق افراد کو شہدائے حرم قبرستان میں سپرد خاک کردیا گیا ہے جبکہ زخمی ہونے والی چار لڑکیاں اسپتال میں زیرعلاج ہیں۔

ریسکیو اداروں کے مطابق حادثے کا شکار خاندان آبائی گاؤں سے چھٹیاں گزار کر واپس مکہ مکرمہ آرہا تھا۔

مزید پڑھیں: سعودی عرب میں اندوہناک ٹریفک حادثہ، ماں اور چار بچے جاں بحق

واضح رہے کہ گزشتہ برس دسمبر میں اندوہناک ٹریفک حادثے میں ماں اور چار بچے جاں بحق ہوگئے تھے، امارتی خاندان ہفتہ وار چھٹیاں منانے سعودی عرب پہنچا تھا۔

اماراتی خاندان دو الگ الگ گاڑیوں میں سوار تھا جن میں سے ایک اُن کا بیٹا اور دوسری والد چلا رہے تھے۔ والد کے ساتھ گاڑی میں دو بھائی اور تین بہنیں جبکہ دوسری میں ماں اور بیٹا بیٹھے تھے۔

اہل خانہ کے مطابق واقعہ ہائی وے پر اُس وقت پیش آیا جب دونوں گاڑیاں تیز رفتاری سے سفر طے کررہی تھیں کہ اچانک مخالف سمت سے آنے والی گاڑی سامنے آگئی جس کے نتیجے میں حادثہ پیش آیا۔

Comments

comments

یہ بھی پڑھیں