The news is by your side.

Advertisement

سعودی عرب : وائرل ویڈیو پر پولیس کی فوری کارروائی ، متعدد افراد گرفتار

ریاض : سعودی ٹریفک پولیس نے سوشل میڈیا پر وائرل ویڈیوز کانوٹس لیتے ہوئے قوانین کی خلاف ورزی کرنے والے ڈرائیوروں کیخلاف کارروائی کی ہے، متعدد ڈرائیوروں کو حراست میں لے لیا گیا۔

تفصیلات کے مطابق سعودی ٹریفک پولیس نے حد سے زیادہ رفتار سے ڈرائیونگ، ٹائر سکریچنگ، بغیر نمبر پلیٹ گاڑی چلانے، زگ زیگ اور سگنل توڑنے پر کئی ڈرائیوروں کو گرفتار کیا ہے۔

اس حوالے سے سعودی اخبار کے مطابق سوشل میڈیا پر مبینہ ٹریفک خلاف ورزیاں کرنے والے ڈرائیوروں کے وڈیو کلپس وائرل تھے، جس میں شہریوں نے غم و غصے کا اظہار کرتے ہوئے ان کیخلاف کارروائی کا مطالبہ کیا تھا۔

محکمہ ٹریفک نے ردعمل کا فوری نوٹس لیتے ہوئے وڈیو میں نظر آنے والے ڈرائیوروں کو نشاندہی کرکے انہیں گرفتار کرلیا۔ زیر حراست افراد کو ٹریفک قانون میں مقرر سزائیں دلانے کے لیے ٹریفک اتھارٹی کے حوالے کردیا گیا۔

محکمہ ٹریفک نے سوشل میڈیا صارفین کا شکریہ ادا کرتے ہوئے کہا کہ غیر قانونی سرگرمیوں کے خلاف بروقت ردعمل دے کر ایک طرح سے آگہی مہم چلائی ہے، تمام ڈرائیور سب کی سلامتی کی خاطر ٹریفک قوانین و ضوابط کی پابندی کریں۔

Comments

یہ بھی پڑھیں