The news is by your side.

Advertisement

سعودی عرب : ٹریفک قوانین سے متعلق حکومت کا اہم اعلان

ریاض : سعودی عرب میں ٹریفک قوانین کی خلاف ورزی پر سخت سزاؤں کا تعین کیا جاتا ہے جس کا مقصد شہریوں کو حادثات سے بچانے اور کسی مشکل میں پھنس جانے سے بچاؤ ہوتا ہے۔

اس حوالے سے سعودی محکمہ ٹریفک نے کہا ہے کہ چلتی گاڑی سے اترنا اور چڑھنا منع ہے، اس سے اپنی اور دوسروں کی زندگیاں خطرے میں پڑجاتی ہیں اور کبھی کبھار ٹریفک بھی معطل ہوجاتا ہے۔

سعودی ذرائع ابلاغ کے مطابق محکمہ ٹریفک نے ٹوئٹر پر جاری ایک بیان میں کہا ہے کہ چلتی گاڑی پر چڑھنا اور اس سے اترنا ٹریفک قوانین کی سنگین خلاف ورزی ہے جس پر ایک ہزار سے دو ہزار ریال تک جرمانہ مقرر کیا گیا ہے۔

یاد رہے کہ پبلک ٹرانسپورٹ استعمال کرنے والے بعض افراد چلتی گاڑی میں سوار ہونے اور اترنے کی کوشش کرتے ہیں، اس وجہ سے کئی بار ٹریفک حادثات بھی رونما ہوچکے ہیں، اس قسم کے واقعات اسکول کی بسوں میں بھی دیکھنے میں آتے ہیں۔

Comments

یہ بھی پڑھیں