The news is by your side.

Advertisement

سعودی عرب کا ویلیو ایڈڈ ٹیکس3 گنا بڑھانے اور رہائشی الاؤنس ختم کرنے کا اعلان

ریاض : سعودی عرب نے معاشی بحران کے باعث ویلیو ایڈڈ ٹیکس 5 فیصد سے بڑھا کر 15 فیصد کرنے اور رہائشی الاؤنس جون تک ختم کرنے کا اعلان کردیا، حکومت ان اقدامات سے 100ارب ریال کی بچت یا آمدنی ہوگی۔

تفصیلات کے مطابق سعودی عرب کی معیشت میں سست روی کے باعث ٹیکسوں میں اضافہ کردیا اورویلیوایڈڈ ٹیکس3 گنا بڑھا دیا گیا، نئے ٹیکسوں کااطلاق یکم جولائی سے ہوگا۔

وزیر خزانہ محمد الجدان کی جانب سے جاری کردہ بیان میں کہا گیا کہ فیصلہ کیا گیا ہے کہ رہائشی الاؤنس کو جون 2020 سے روک دیا جائے گا اور یکم جولائی سے ویلیو ایڈڈ ٹیکس کو 5 فیصد سے بڑھا کر 15 فیصد کردیا جائے گا‘۔

سعودی وزیر خزانہ کا کہنا تھا کہ کورونا وائرس کی وجہ سے عالمی سطح پر خام مال کی مانگ میں کمی اور تیل سے آمدنی میں ’زبردست کمی‘ کے دوران ریاستی مالیات کو بحال رکھنے کے لیے یہ اقدامات ضروری تھے۔

یاد رہے سعودی عرب میں سرکاری ملازمین کو ہزار ریال ماہانہ کا وظیفہ دیا جاتا تھا، ماہانہ وظیفہ 2018سےشروع کیا گیا تھا۔

واضح رہے رواں مالی سال کے پہلے3ماہ سعودی عرب کا بجٹ خسارہ 9 ارب ڈالر تک جا پہنچا ، خام تیل کی قیمت میں کمی کی وجہ سےمعیشت سست روی کا شکارہوئی ہے ، سعودی عرب کو خا م تیل سے حاصل آمدنی میں ایک چوتھائی کمی ہوئی اور مجموعی حکومتی آمدنی میں22فیصد کی کمی آئی ہے۔

خیال رہے سعودی عرب کے ان اقدامات سے عوام کی زندگی متاثر ہوگی ، سعودی عرب جو خام تیل کا دنیا کا سب سے بڑا برآمد کنندہ اور عرب دنیا کی سب سے بڑی معیشت ہے، کورونا وائرس کے پھیلاؤ کو روکنے کیلیے عمرہ پر پابندی عائد کر رکھی ہے جبکہ پروازیں بھی بند ہیں، جس کی وجہ سے ملک کی آمدنی کو نقصان پہنچ رہا ہے

Comments

یہ بھی پڑھیں