The news is by your side.

Advertisement

سعودی عرب اور متحدہ عرب امارات جلد مشترکہ ویزے کا اجرا کریں گے

ریاض: سعودی حکام کا کہنا ہے کہ سعودی عرب اور متحدہ عرب امارات مشترکہ ویزا جاری کرنے پر کام کر رہے ہیں، اور یہ ویزا محدود مدت کا وزٹ ویزا ہوگا۔

سعودی اخبار کے مطابق سعودی محکمہ سیاحت و قومی ورثے کی ڈپٹی چیئر پرسن شہزادی ہیفا بنت محمد آل سعود کا کہنا ہے کہ جن ممالک کے شہریوں کو سعودی عرب کا ویزا آن لائن دینے کا پروگرام بنایا گیا ہے وہ ان ممالک سے مختلف ہیں جنہیں متحدہ عرب امارات اپنے ویزے جاری کر رہا ہے۔

شہزادی ہیفا کے مطابق سعودی و اماراتی مشترکہ ویزے کے باقاعدہ اجرا میں ابھی وقت لگے گا۔ فریقین تکنیکی، قانونی اور انتظامی اعتبار سے تفصیلات کا جائزہ لے رہے ہیں۔

دوسری جانب متحدہ عرب امارات کے حکام ویزے کے طریقہ کار اور آن لائن سسٹم کو ایک دوسرے سے مربوط کرنے پر کام کر رہے ہیں۔

یاد رہے کہ کچھ دن قبل متحدہ عرب امارات کے وزیر اقتصادیات سلطان المنصوری نے کہا تھا کہ سعودی عرب اور امارات مشترکہ ویزے کے اجرا کے لیے کوشش کر رہے ہیں تاکہ امارات آنے والے سعودی عرب اور سعودی عرب آنے والے متحدہ عرب امارات کی سیر باآسانی کرسکیں۔

سعودی عرب نے اس سے قبل شینگن ممالک، امریکا اور برطانیہ کے ویزوں کے حامل افراد کو مملکت پہنچنے پر ویزا جاری کرنے کا اعلان کیا تھا۔

سعودی حکام نے کہا تھا کہ مذکورہ ممالک کا مؤثر ویزا رکھنے والے افراد بغیر ویزا سعودی عرب آسکتے ہیں، ایسے افراد کو آن ارائیول ویزا جاری کردیا جائے گا۔

Comments

comments

یہ بھی پڑھیں