The news is by your side.

Advertisement

سعودی حکومت نے عمرہ زائرین کی بڑی مشکل آسان کردی

ریاض : وزارت حج و عمرہ نے مسجدالحرام کے زائرین اور عمرہ اجازت نامے حاصل کرنے والے افراد کی بڑی مشکل آسان کردی۔

زائرین کی جانب سے یہ سوال کیا جا رہا تھا کہ آیا حرم شٹل سروس کے ٹکٹ خریدنا ضروری ہیں اور اس کے بغیر اجازت نامہ مؤثر رہے گا یا نہیں؟

اس حوالے سے مذکورہ وزارت نے اطمینان دلایا ہے کہ عمرہ اور زیارت کے لیے آنے والوں کو حرم شٹل سروس کے ٹکٹ خریدنا ضروری نہیں، جس کا دل چاہے خریدے اور جو خریدنا نہ چاہتا ہو اس پر کوئی پابندی نہیں؟

سعودی ذرائع ابلاغ کے مطابق وزارت حج و عمرہ نے ٹوئٹر اکاؤنٹ پر بیان جاری میں کہا ہے کہ عمرہ زائرین کی جانب سے کثیر تعداد میں یہ سوال کیا جارہا ہے کہ آیا حرم شٹل سروس کے ٹکٹ خریدنا ضروری ہے یا اس کے بغیر ہی عمرہ، نماز اور طواف کے اجازت نامے موثر ہوں گے؟

جس کے جواب میں وزارت حج و عمرہ نے توجہ دلائی کہ حرم شٹل سروس کے ٹکٹ دو طرح سے خریدے جاسکتے ہیں، ایک تو یہ کہ اعتمرنا ایپ کے ذریعے براہ راست ٹکٹ حاصل کیے جاسکتے ہیں۔

اس کا طریقہ کار یہ ہے کہ اعتمرنا ایپ پر "حجز خدمہ” (سروس کی بکنگ) والے خانے کو پش کیا جائے، پھر خدمات النقل (ٹرانسپورٹ سروسز) کا رخ کیا جائے۔

اس کے بعد کدی یا جمرات بس اسٹینڈ کی نشاندہی کی جائے، اس کے بعد ٹکٹوں کی تعداد متعین کی جائے اور آخر میں ٹکٹوں کی قیمت ادا کردی جائے۔

ٹکٹ حاصل کرنے کا دوسرا طریقہ یہ ہے کہ طواف، نماز یا عمرے کے لیے حرم شریف کا رخ کرنے والا کدی یا جمرات بس اسٹینڈ پہنچنے کے بعد اے ٹی ایم کارڈ یا کیش کی صورت میں اسٹینڈ پر موجود کاؤنٹر سے ٹکٹ حاصل کرلے۔

Comments

یہ بھی پڑھیں