The news is by your side.

Advertisement

سعودی حکومت کا ٹیکس دہندگان کیلئے اہم اعلان

ریاض : سعودی حکومت نے ٹیکس دہندہ شہریوں کی سہولت کیلئے ویلیو ایڈڈ ٹیکس کی واپسی کا طریقہ انتہائی آسان کردیا ہے، اس سلسلے میں محکمہ کو آن لائن درخواست بھی دی جاسکتی ہے۔

تفصیلات کے مطابق سعودی عرب کے محکمہ زکوٰۃ وآمدنی کے ترجمان نے کہا ہے کہ ویلیو ایڈڈ ٹیکس (واٹ) کی رقم کی واپسی کی درخواست آن لائن دی جاسکتی ہے۔

سعودی ذرائع ابلاغ کے مطابق محکمہ کے ترجمان نے اپنے ایک بیان میں اس کی وضاحت دیتے ہوئے کہا ہے کہ ویلیو ایڈڈ ٹیکس (واٹ) کے بیلنس میں زائد رقوم کی واپسی کے لیے رجسٹرڈ اداروں کو مندرجہ ذیل طریقہ کار اختیار کرنا ہوگا۔

ترجمان کے مطابق سب سے پہلے ان اداروں کے بینک بیلنس میں مطلوبہ سے زائد رقم موجود ہونی چاہئے، اس کے علاوہ ان کی رجسٹری میں بینک آئیبان درج ہونا چاہئے۔

آن لائن درخواست کا طریقہ یہ ہے کہ محکمے کے پورٹل میں اندراج کریں اوربلا واسطہ ٹیکس کو کلک کریں اس کے بعد ویلیو ایڈڈ ٹیکس کلک کریں پھر واٹ کی رقم کی واپسی پر کلک کریں اور اب رقم کی واپسی پر کلک کریں۔

یہ تمام چیزیں کرنے کے بعد آپ کے موبائل پر میسج آجائے گا کہ آپ کی درخواست وصول ہوچکی ہے۔

Comments

یہ بھی پڑھیں