The news is by your side.

Advertisement

گاڑیوں کی منفرد نمبر پلیٹس کی آن لائن نیلامی کا آغاز

ریاض : سعودی عرب میں گاڑیوں کے شوقین افراد فینسی اور منفرد نمبر پلیٹس کے بھی دلدادہ ہوتے ہیں جس کے حصول کیلیے وہ انتہائی قیمتی ترین نمبر پلیٹ نیلامی کے ذریعے حاصل کرتے ہیں۔

اس کیلئے بیش قیمت نمبر پلیٹس کی مہنگے داموں نیلامی بھی ہوتی ہے جس میں سعودی شہری من پسند نمبر پلیٹ بڑی رقم کی ادائیگی پر حاصل کرتے ہیں۔

اس حوالے سے شہریوں کی دلچسپی کو مد نظر رکھتے ہوئے منفرد نمبر پلیٹس جاری کی ہیں، ترجمان محکمہ ٹریفک نے کہا ہے کہ گاڑیوں اور موٹر سائیکلوں کی نمایاں نمبر پلیٹس کی نیلامی ابشر کے ذریعہ آج سے شروع ہوگی۔

سعودی ذرائع ابلاغ کے مطابق محکمہ ٹریفک نے کہا ہے کہ جو افراد نمبر پلیٹ حاصل کرنے میں دلچسپی رکھتے ہوں وہ وزارت داخلہ کے ابشر پلیٹ فارم سے رجوع کریں۔ ترجمان محکمہ ٹریفک نے کہا ہے کہ ابشر کے پورٹل پر نیلامی اتوار 20 مارچ تک جاری رہے گی۔

ترجمان محکمہ کا مزید کہنا ہے کہ نیلامی میں حصہ لینے والے سعودی شہری اور مقیم غیرملکی اپنے ابشر اکاؤنٹ سے شامل ہوسکتے ہیں۔

Comments

یہ بھی پڑھیں